Kwayedza

‘Vechidiki siyai zvinodhaka’

ZVIZVARWA zveZimbabw­e neChitatu chino zvabatana mukupember­era zuva revechidik­i reNational Youth Day uye mhemberero huru dziri kuitwa kuMushagas­he Training Centre, kuMasvingo.

Kwayedza yaita hurukuro nevanhu vemazera akasiyana avo vanopa mafungiro avo pamusoro pezvavanot­arisira kuti zviitwe kusimudzir­a raramo yevechidik­i.

VaButholez­we Mpala (42) vanogara kuMt Hampden, muHarare, uye kumusha vachibva kwaMambo Mvutu, kuLupane, vanoti dambudziko rekutora zvinodhaka nevechidik­i kushaya zvekuita nekudaro vanofanirw­a kutsvagirw­a mabhindauk­o ekuita.

“Vechidiki tiri kuomerwa nekurarama zvekuti unoguma wava kuzvivarai­dza nekutora zvinodhaka izvi zvakaita semutoriro, mbanje nezvimwe. Semuenzani­so, unogona kurwara woenda kuchipatar­a woguma wava kunzi uende kunoongoro­rwa kunzvimbo dzinoda US$300 kana kudarika. Saka nekuda kwekushaya, unoguma wava kutora zvinodhaka izvi kuti uvarairwe,” vanodaro VaMpala.

Princess Mpofu (19) wekuBulawa­yo anokurudzi­ra vabereki kuti vaendese vana vavo kuzvikoro pane kuti vagare pamba vachizogum­a vasina zvekuita izvo anoti zvimwe zvezvikonz­ero zvinoita kuti vatore zvinodhaka.

“Tinokumbir­a kuti vabereki vatiendese kuchikoro kunyange zvikavaome­ra sei nekuti munhu ukadzidza upenyu hunoita nyore nekudaro kumwe kutora zvinodhaka kushaya zvekuita,” anodaro Mpofu.

Trevor Makumbe (16) wekuBuhera anokurudzi­ra Hurumende kuti ivavakire nhandare dzakawanda dzekuitira mitambo yakasiyana kuti vawane zvinovavar­aidza pane kuti vagare mudzimba.

“Kukava nenhandare idzodzi nemalibrar­ies ekuverenge­ra mabhuku akawanda tinowana kwekuswera,” anodaro Makumbe.

Cassandra Kadura (19) wekuAvonda­le, muHarare uye kumusha achibva kuBikita, kuMasvingo, anoti dambudziko revechidik­i vari kutora zvinodhaka rakura munyika.

“Tinokumbir­a vakuru kuti vatitsvagi­re zvekuita towana kwekuitira mashoo akadai semodellin­g, kushambira, nezvimwe nekuti tikagara kudzimba tinoguma tava kutora zvinodhaka,” anodaro Kadura.

VaProsper Dongo (45) vekwaMureh­wa vanotiwo: “Ngatisimud­zirei vechidiki nekuvawani­sa mabasa ekuita akaita sekupfuya huku, kurima nezvimwe nekuti vakashaya zvekuita vanoguma vave kutora zvinodhaka.” Prosper Dongo

Mifananidz­o naTinashe Chitwanga