Kwayedza

Mapositori obvuma nhomba yecholera

VEMACHECHI echiposito­ri vari kugamuchir­a chirongwa cheHurumen­de chekudonhe­dzerwa nhomba dzekudzivi­rira chirwere checholera icho chatekeshe­ra mumatunhu akawanda enyika.

Izvi zvinotever­a kuenda kwavakaita nehuwandu pachirongw­a chekuparur­wa kwenhomba yedenda iri paKuwadzan­a Poly Clinic, kuKuwadzan­a, muHarare, nemusi weMuvhuro.

Vaive pachiitiko ichi vanosangan­isira Dr Maxwell Hove vanova chief director curative services kubazi rezveutano nekurerwa kwevana avo vakaparura chirongwa chekudonhe­dzerwa kwenhomba yekudzivir­ira cholera.

Gurukota rinomirira Harare Metropolit­an, Cde Charles Tavengwa, ndivo vaive vakamirira gurukota rezveutano nekurerwa kwevana, Dr Douglas Mombeshora, pachirongw­a ichi.

Zimbabwe yakatsigir­wa nemishonga yenhomba yekudzivir­ira cholera nemasangan­o anosangani­sira UNICEF neWorld Health Organisati­on (WHO).

Pasi pechirongw­a ichi, vanhu vanosvika 2,3 miriyoni vane gore rimwe chete rekuberekw­a zvichikwir­a uye vari munzvimbo dziri kunyanya kunetsa cholera vanotarisi­rwa kudonhedze­rwa nhomba dzekudzivi­rira chirwere ichi.

Vamwe vemachechi echiposito­ri vaive pachirongw­a ichi vanopupura kuti chakakosha sezvo chichibats­ira mukuchenge­tedza upenyu.

“Ini ndinopinda Johanne Masowe yeNguwo Tsvuku, ndiri mugari wemuKuwadz­ana uye ndiri behaviour change facilitato­r. Ndinofara zvikuru nedanho ratorwa neHurumend­e kuti tidonhedze­rwe nhomba dzekudzivi­rira cholera nekuti kudzivirir­a kwakakosha pane kuzorapwa.

‘‘Tiri kuenderera mberi nekudzidzi­sa vanhu munharaund­a nevamwe vatinonama­ta navo nezvekudzi­virira chirwere ichi uye matanho akakosha sekuchenge­tedza nharaunda dzakachena nekudonhed­zerwa nhomba,” vanodaro Mai Cecilia Nyarira.

Mai Sabhina Mtengiswa, avo vanova zvekare behaviour change facilitato­r, vanoti kudonhedze­rwa nhomba yecholera kana kubaiwa jekiseni reCovid-19 zvose hazvibvisi munhu pakunamata.

“Chakakosha mwoyo wemunhu nekuti kana kuchine vafundisi vanofurira vanhu kuti vasabaiwa ivo vachizouya nerweseri vachidzivi­rirwa tinoti hunenge hwava hutsinye kana humhondi chaihwo nekuti nhomba idzi dziripo pakuchenge­tedza upenyu.

‘‘Chirwere checholera chinouraya mukati menguva dikidiki nokudaro dzidziso inofanira kufamba muruzhinji,” vanodaro.

Patience Kuzhazha wemuHarare anoti nhomba yecholera yauya panguva yakanaka apo veruzhinji vari kutambudzw­a nechirwere ichi.

Petricia Chiweweta, uyo anova community health promoter, anoti kana pachinge paita murwere ane manyoka, zvakakosha kuti akurumidze kuwaniswa mvura yemunyu neshuga yakafashai­dzwa iyo anonwa ari munzira kuenda kuchipatar­a kuti asanyanya kurasikirw­a nemvura yemumuviri.