Amazone UX 11201: ’n Bielie van ’n spuit
Wanneer dit by sleepspuite kom, is die Amazone UX 11201 in sy eie liga. Trouens, as die grootste gewasspuit in Afrika herdefinieer hierdie spuit die toekoms van landboutoerusting.
Met ’n reuse-tenkkapasiteit van 12 000 liter is geen taak te groot vir die UX 11201 nie. Saam met die Super-L2 of SuperL3-spuitbalke wat spog met werkwydtes van 24-40 m en sy dubbelpompstelsel met ’n suigvermoë van tot 900 liter/min., maak dié spuit korte mette van groot gewasoppervlaktes wat hoë toedieningshoeveelhede vereis.
Vir selfs groter impak kan die UX 11201 toegerus word met die ultramoderne AmaSelect-stelsel vir individuele spuitkopbeheer wat spog met geïntegreerde LED-beligting en die nuutste CurveControl-tegnologie.
AMAZONE UX 11201 IN AKSIE
Die span van Falcon het onlangs so ’n monster van ’n sleepspuit by die graanen-beesboer mnr. Heinrich Schönfeldt van Caledon in die Wes-Kaap afgelewer. Schönfeldt gebruik beheerde spoorverkeer in sy saaiboerdery, en sy klem is stewig op ekonomiese boerderypraktyke deur middel van presisieboerdery.
Die spoorwydte is onmiddellik verander na 3 300 mm (van middel tot middel), en ná deeglike opleiding en naafleweringsinspeksie was alles gereed om die grootste gewasspuit in Afrika in gebruik te neem.
Volgens Schönfeldt, wat al die afgelope 25 jaar van Amazone-toerusting gebruik maak, is die UX 11201 ’n welkome toevoeging tot sy toerustingvloot van twee ZA-M-strooiers, ’n ZA-TS 3200-strooier en ’n ZA-TS 4200-strooier.
Hy het die afgelope tien jaar met 36 mspuitbalke gespuit, terwyl alle landerye op 12 m-spoorverkeer ingestel is.
Schönfeldt maak ook gebruik van ’n ander 36 m-selfaangedrewe spuit vir sy kanola-aanplanting. Hy het die UX 11201 aangeskaf vir sy groter werksvermoë. Dit stel hom in staat om tot 600 hektaar per dag te bespuit.
Die laer koste verbonde aan die gebruik van ’n sleepspuit (hy bespaar tot 50% aan diesel) maak verder goeie besigheidsin. Hy kan nou ook sy Claas Xerion-trekkers beter benut.
Schönfeldt is van plan om slegs die Amazone UX-spuit te gebruik by die meeste gewasse, en die selfaangedrewe spuit by kanola.
En wat is volgende vir hom en sy Amazone-vloot? Hy oorweeg dit om na 48 mspuitbalke oor te skakel om ’n verdere besparing van 25% in produksiekoste te verkry waar ’n bietjie meer grondvryhoogte nodig is. t
NAVRAE: Jou naaste handelaar, of e-pos: info@falconequipment.co.za