Ubroos uthole abesekufune iminyaka kowechiefs
UMQEQESHI webafana Bafana, uhugo Broos, unezinhloso ezinzulu ngesitobha esisanda kusayiniswa yikaizer Chiefs, urushwin Dortley, osesikwatini somdlalo ka-group K kweyokuhlunggela i-africa Cup of Nations (Afcon) ne-uganda ngolwesihlanu ngo-6 ntambama, e-orlando Stadium, esoweto.
Udortley (22) ogqame kwicape Town Spurs ngesizini edlule usanda kusayina inkontileka yeminyaka emithathu namakhosi.
Uyena kuphela osemabhukwini echiefs okulesi sikwati sikabroos esizodlala nesouth Sudan ekuhambeni emuva kowe-uganda.
Nakuba ispurs igcine igencwe izembe esigabeni esikhulu ngesizini edlule kodwa kusobala ukuthi emidlalweni engu-26 udortley ayigijimile, wenze kahle ngokwanele ukuthatha iso lechiefs kanjalo nelabaqeqeshi bebafana.
Udortley ubehola njengokaputeni ibafana, kahalmen Mkhalele, ebidlala kwihollywoodbets Cosafa Cup ngojuni eqheberha.
Sekungumlando ukuthi ibafana ayizange yenze ekahle kulo mqhudelwano kodwa kuyacaca ukuthi kukhona okuhle obekwenziwa udortley njengoba ubroos ephinde wambiza.
Yize ubroos ekhumbuze abantu baseningizmu Afrika ngobumqoka bokunaka icosafa kodwa ukucacisile ukuthi akusona isizathu esinqala esenze basondeza lesi sitobha sechiefs.
“Ngiyazi ukuthi eqenjini lakhe udortley ubalwa njengomdlali wasemuva ngakwesokunxele kepha kithina uyisitobha sangaphakathi,” kusho ubroos kwabezindaba ethula isikwati.
“Kusukela ngathatha lo msebenzi angikhumbuli nginesitobha sangaphakathi esidlala ngonyawo lwesokunxele.
“Lokhu ungakubuka njengento encane kodwa ukuba nezitobha zangaphakathi ezidlala ngezinyawo ezahlukene kuliqinisa ngendlela engachazeki iqembu.
“Mina nohelman (Mkhalele) bese sinesikhathi sithungatha umdlali walolu hlobo. Umkhalele ungitshelile kuqhubeka icosafa ukuthi angikhululeke usemtholile umdlali ebesimfuna.
“Nami ngizinike isikhathi ngambukisisa kahle nangempela kwasicacela ukuthi le nto ebese siyithungathe iminyaka sinayo kudortley.
“Akulona unyawo adlala ngalo kuphela kepha kuningi. Njengoba bese simbukela eduze kuningi esikuqaphelile ukuthi singadla ngakho kuyena njengokuba umholi.
“Uyahlonipha futhi uhlale ezinikele ingakho sihlanganise amakhanda sabona kuyisikhathi esikahle ukuthi simsondeze kulesi sikwati,” kuphetha ubroos.
Ibafana inengcindezi yokwenza kahle ku-group K kwazise iyona ekleliswe ififa kangcono kunamanye amazwe ahlanganisa iqoqo njenge-uganda, South Sudan necongo-brazzaville.