Uncoma amaphoyisa omunye wemindeni yabesifazane ababulewe
UNCOMA ukusebenza ngokuzikhandla kwamaphoyisa omunye wemindeni yabesifazane abadutshulwe babulawa ngesihluku ekenville, ethekwini, ngempelasonto.
Abangani, unksz Anele Mbokazi (29) obengumhlengikazi esibhedlela sakwadukuza i-general Justice Gizenga Mpanza Regional nonksz Zizipho Gabisa (30) obeyi-pharmacist esibhedlela esizimele emhlanga, batholwa befile, benamanxeba okudutshulwa ebusweni ngesonto.
Ngokuphazima kweso, amaphoyisa abopha abesilisa abangamathe nolimu, umnuz Lungani Mthethwa (38) nomnuz Sandile Chili (44).
Babanjwa emotweni imercedesbenz emhlophe okusolwa ukuthi babehamba ngayo ngosuku lwesehlo esouth Beach, ethekwini, ngomsombuluko.
Emotweni kutholwe iselula kanksz Mbokazi, eyasiza abakwasidlodlo ekulandeleni umkhondo wabasolwa.
Umfowabo kanksz Mbokazi, umnuz Mvuselelo Magwaza, uthe bayawabonga amaphoyisa ngokuzikhandla kwawo.
“Siyishayela ihlombe indlela asukumela phezulu ngayo, yaze yaholela ekutheni kusheshe kuboshwe abasolwa. Sesifuna ukubona umthetho usebenza,” kusho umagwaza.
Uphinde waveza ukuthi bamagange ngokuzotholwa amaphoyisa emafonini abafi awathathile ngenhloso yokuphenya njengoba benenkolelo yokuthi azoveza kabanzi ngobudlelwano babafi nabasolwa.
Uqhube wathi yize bengeke bazazi izindaba zezingane bengabantu abadala kodwa abafi nabasolwa bese benobudlelwano obuqinile bokwethembana.
“Akuvelanga kwahanjwa kungaziwana, laba bantu bayazana futhi bebethembana. Okunye, lezi zingane azizona izigruvane njengoba kushiwo. Kuyiqiniso ukuthi bahlangana emcimbini,” kusho umgwaza.
Uphinde wagcizelela ukuthi abasolwa akusibo nje abantu abangaziwa.
“Oyedwa wabasolwa uyisihlobo salapho okwakunomcimbi khona ngakho bekungumuntu owaziwayo,” kusho umagwaza.
Uthe abazange bahambe ngolwesihlanu kodwa bahamba ngomgqibelo ngezikhathi zasemini ohambweni olwaluhleliwe.
Uthe unksz Mbokazi uzongcwatshwa ngomgqibelo emva kwenkonzo ezoba sesontweni lamaroma e-oakford, everulam.
Uthe unksz Gabisa uzofihlwa e-eastern Cape lapho umndeni wakhe udabuka khona.
Ezinkundleni zokuxhumana usaqhubeka umsindo abantu beveza ukuthi bayamazi umsolwa wokuqala, umthethwa ngezindlela ezehlukene.
Baningi abakhala ngokuthi uyiqola, wabagebenga izishaqane zemali, kuphinde kube khona owesifazane odalule izinsolo zokuthi wabulala udadewabo kodwa waphunyula ngoba enemali.
OBESOLWA ngokuba ungqongqondo emacaleni athinta ukuthunjwa kosomabhizinisi kuleli udedeliwe kwathiwa abukho ubufakazi, izolo.
Lo wesilisa (40) odabuka ezambia owaboshwa esikhumulweni sezindiza
I-OR Tambo ephuma ezweni lakubo emasontweni amabili edlule, kuthiwa weyamaniswa namacala amaningi okuthunjwa kosomabhizinisi bese kufunwe imali emindenini yabo. Ngaphezu kwalokho amaphoyisa athi uyathinteka emacaleni okutholakala kwezidakamizwa ezibiza
UMMELI u-advocate Charles Mnisi usole ufakazi wombuso, ucol Chris Mangena,