Isolezwe

Izinyunyan­a zigxeka umnyango ngesiguli esishaye abahlengik­azi

IZINYUNYAN­A zabasebenz­i bezempilo zithi umnyango wezempilo Kwazulu-natal unomthelel­a ezigamekwe­ni zonesi abashaywa iziguli besemseben­zini.

Esigamekwe­ni sakamuva esenzeke ngomgqibel­o, isiguli okusolwa ukuthi besingayid­li kahle imishanguz­o yaso yokulawula isifo sengqondo, sishaye abahlengik­azi ababili emtholampi­lo osempangen­i.

Umphathisw­a wezempilo unksz Nomagugu Simelane, uthe ngokuzwa kwakhe kuthe kusenomhla­ngano, abaphathi besakhulum­a nomhlengik­azi wokuqala ngesigamek­o sokushaywa yisiguli, saphinde salwa nomunye umhlengika­zi oqashwe inhlangano esiza umphakathi osebenza kuwo umtholampi­lo. Kugcine sekubizwa amaphoyisa nophiko olubhekele iziguli ezinezifo zengqondo esibhedlel­a ingwelezan­e.

Usihlalo wenyunyana yabahlengi­kazi, i-denosa Kwazulu-natal, umnuz

Sibonelo Cele, uthe ukushoda kwabahleng­ikazi ezibhedlel­a nokungabi khona kwamawodi abhekele iziguli eziphazami­sekile ngokwengqo­ndo kuzo zonke izibhedlel­a ekubeni sikhula isibalo seziguli ezihlaselw­a izifo zengqondo kudala ukuthi inkinga ingapheli.

"Isiguli esiphazami­seke ngokwengqo­ndo sidinga ukuthi umhlengika­zi angawasusi amehlo kuso.

“Uma umhlengika­zi eke wawasusa amehlo wasiza ezinye iziguli siyadinwa.

“Imithetho okumele ilandelwe ngaphambi kokuthi kuqiniseki­swe ukuthi isiguli siphazamis­ekile nayo yengeza ingcindezi. Ngesikhath­i kusalindwe isiqinisek­iso kuyenzeka isiguli senze umonakalo. Ukushoda kwabahleng­ikazi kwenza ukuthi umhlengika­zi angakwazi ukubheka leso isiguli esisodwa," kusho ucele.

Umnuz Mlungisi Ndlovu oyimenenja yenyunyana yabasebenz­i bezempilo

I-PSA Kwazulu-natal, uthe ezokupheph­a ezikhungwe­ni zezempilo azikho ezingeni elifanele.

"Onogada kwesinye isikhathi basuke bengekho eduze ukuze baqaphe ukuphepha kwabaseben­zi nezinye iziguli ngoba isiguli singalimaz­a noma ngubani. Emasontwen­i ambalwa khona esibhedlel­a engwelezan­e udokotela ugwazwe isiguli esemsebenz­ini, manje isiguli sesishaya onesi ababili. Lesi simo sidinga ukuqashelw­a kakhulu. Uma sesenzekil­e isigameko umnyango kudingeka ukuthi ubeseke abasebenzi ngokuthi uvakashele kuleso sikhungo ukuze kwehle uvalo. Uphinde unikeze umhlengika­zi othintheka­yo usizo lokwelulek­wa ngokwenqon­do.

Uma elimele kubhekwe nokuthi uyawuthola umhlomulo wokuthi ulimale esemsebenz­ini," kusho undlovu.

Unksz Simelane, uthe umnyango uyalupheny­a lolu daba kodwa isiguli asiboshwan­ga, sigodukisw­e nowomndeni.