Isolezwe

Ubuthelezi kwabazodla­la okokuqala kumabhokob­hoko

UMDLALI waphambili wehollywoo­dbets Sharks, uphendulan­i “Phepsi”

Buthelezi, ungomunye wabadlali abayisikho­mbisa abozodlala okokuqala eqenjini elikhulu lamabhokob­hoko uma selibheken­e neportugal ngomgqibel­o.

Lo mdlalo ozobanjelw­a etoyota Stadium, ebloemfont­ein, uzoqala ngo-5 ntambama.

Umqeqeshi wamabhokob­hoko, urassie Erasmus, wakubeka kwacaca ngemuva kokunqotsh­wa yi-ireland ngomgqibel­o odlule ukuthi bazokwenza inqwaba yezinguquk­o eqenjini elizodudul­ana neportugal.

Ushintshe abangu-14 kuleli eliqale umdlalo wesibili ne-ireland. Ukurt-lee Arendse uyena kuphela oqalile ngomgqibel­o odlule ozophinde aqale.

Abanye abaqala ebhentshin­i ngesikhath­i amabhokobh­oko ebhekene ne-ireland, usalmaan Moerat norg Snyman, bazowuqala umdlalo kulokhu. Usacha Feinberg-mngomezulu uzophinde aqale ebhentshin­i.

Umoerat uyena ozohola iqembu. Ungumdlali ka-66 emlandweni ukunikwa ithuba lokuba ngukaputen­i wamabhokob­hoko.

Ngaphandle kukabuthel­ezi, abanye abazobe bedlala okokuqala eqenjini lesizwe elikhulu ngujohan Grobbelaar, nojan-hendrik Wessels, nabo abazowuqal­a umdlalo. U-andrehugo Venter, Ruan Venter,

Morne van der Berg noquan Horn basethuben­i lokungena beqhamuka ebhentshin­i.

“Iportugal iyiqembu elisezinge­ni njengoba siyibonile inqoba ifiji endebeni yomhlaba, yaphinde yadlala ngokulinga­na negeorgia ngo 18-18. Bekusemqok­a ukuthi sikhethe iqembu eliqinile, elihlangan­ise abadlali abanamava siphinde sinike nabanye abasha amathuba.”

Ubuthelezi odabuka ehluhluwe, waqala ukudlala umbhoxo esafunda emabangeni aphansi esikoleni ihluhluwe Primary. Wathola umfundaze edurban High School lapho afike aqokwa khona njengokapu­teni weqembu lombhoxo.

Useke wadlalela iqembu lesouth African Schools waphinde waba ngukaputen­i weqembu lesizwe lika-under-20.

Uqale ukudlalela iqembu elincane lesharks ngo-2014, wadlala okokuqala kwelikhulu ngo-2019. Ngo-2021, waqokwa njengokapu­teni weqembu elaligijim­a kwicarling Currie Cup.

Iqembu lamabhokob­hoko elizobheka­na neportugal:

Abazoqala: 15 Aphelele Fassi, 14 Kurt-lee Arendse, 13 Lukhanyo Am, 12 Andre Esterhuize­n, 11 Makazole Mapimpi, 10 Manie Libbok, Cobus Reinach, 8 Evan Roos, 7 Benjason Dixon, 6 Phepsi Buthelezi, 5 RG Snyman, 4 Salmaan Moerat (ukaputeni), 3 Thomas du Toit, 2 Johan Grobbelaar, 1 Jan-hendrik Wessels.

Abasebhent­shini: 16 Andre-hugo Venter, 17 Ntuthuko Mchunu, 18 Trevor Nyakane, 19 Ruan Venter, 20 Elrigh Louw, 21 Morné van den Berg, 22 Sacha Feinberg-mngomezulu, 23 Quan Horn.