Ngiwushayela ihlombe umasipala wangakithi
MHLELI: Ngabe ngenza elikhulu iphutha uma ngingahlala ngingawushayeli izandla umasipala wakithi, i-alfred Duma, ngokwelekelela noma ukuxhasa umcimbi omkhulu, i-150 Maskandi Festival.
Lokhu kukhomba uthando abanalo ngendawo noma ngedolobha lakithi ngoba lo mcimbi uzoletha abantu abaningi endaweni, okuzoholela ekutheni umnotho usimame nosomabhizinisi bathole inzuzo ethe xaxa.
Ngiyazi abanye abantu bazobheka ukuba kwenziwe okuthile nokuthile ukuze basekwe kodwa kumele sazi ukuthi imicimbi enjengalena iyasiza kosomabhizinisi ukuphakama nokuvuleka kwamathuba omsebenzi. Siyabonga kakhulu kumasipala, sibongele abahleli bomcimbi namaciko wonke ikakhulukazi akhona emnambithi ngokuba nomasipala onakekelayo.
Esikucelayo ukuthi bangagcini lapha, baqhubeke banake namaciko asekhaya.
Akungabi nemicimbi ekhaya kodwa sibone emabili amaciko endawo, bese kuba nayishumi angaphandle.
Lokho ngeke sakwamukela futhi ngeke sashaya izandla kepha siyophumela obala sigxeke nje.
Uma kukuhle siyancoma, uma kukubi siyagxeka, ekugcineni ngeke kwenziwa okuyosijabulisa sonke kepha kungenziwa okungcono empilweni yabathile.
MHLELI: Kuyohlale kuncomeka ukubona abantu bakithi beseka amaciko ikakhulu kwezomculo kamaskandi. Ngibe nenhlanhla ngazithola sengilalela ingoma kamafikizolo esihloko sithi Ngathi nguye.
Yize bengingazi nokuthi lidume kuphi futhi ngingazi nokuthi iculwa ngubani, wakuphi kodwa kube lula uma sengibuza amanye amajongo. Okungijabulisile wukuthi ngikhangwe abantu abaningi abebeyicula futhi ngathola ukuthi isikhiqize ama-video amaningi ezinkundleni zokuxhumana okuyinkomba yokuthi bayithandile abantu baseningizimu Afrika.
Okunye engikuphawulile ukuthi kuvele nabanye omaskanda abadumile benza ama-video ngayo okungenye yezindlela zokukhombisa ukweseka uzakwabo.
Sinethemba lokuthi bayohlale