Kuvalwe ngehlahla ngegciwane elihamba nendle amabhishi etheku
UPHIKO lokucwaninga ngezamanzi edurban University of Technology (DUT), i-institute for Water and Wastewater Technology (IWWT) luthi igciwane elaziwa nge-ecoli yilo elishaya idadamu emabhishi athile etheku, ngaleyo ndlela abantu abaphume baphele kuwo.
Ngokusho komqondisi WE-IWWT, usolwazi Faizal Bux, ukuhlola kwabo kubavezele ukuthi awu-14 amabhishi anamagciwane ayingozi umsuka wawo yindle.
Uthe kulawo mabhishi bathole ukuthi awu-11 awo okukhona kuwo iballito Tidal Pool, Westbrook Beach, Umdloti Beach, Glenashely Beach, Virginia Beach, Umgeni River, Umgeni River Mouth,
Laguna Beach, Country Club Beach, Bay of Plenty, ne-addington Beach anesilinganiso esiphezulu segciwne elibizwa nge-escherichia coli (E.coli).
Ubux uveze ukuthi yibronze Beach nomhlanga Lighthouse kuphela amabhishi anesilinganiso esamukelekile se-e.coli, bese kuba yishaka Beach enesilinganiso esiphansi saleli gciwane.
“Uma uqhathanisa namanye amabhishi asethekwini, yishaka Beach kuphela ekhombise ukuba nesilinganiso esiphansi se-e.coli.
Kulawa amanye amabhishi awu-11 kuvele ukuthi isimo sawo siyakhathaza kakhulu, futhi ososayensi BE-IWWT beluleke abantu ukuba bangawasebenzisi ukuzijabulisa kuwona kuze kube wukuthi kwehla leli gciwane kuwona,” kusho ubux.
Uqhube wathi umlando ukhombisa ukuthi Umgeni River uhlale unesilinganiso esiphezulu saleli gciwane, okuwubungozi okukhulu.
Uthe uphiko lwabo lwezamanzi luhlale luhlola ukuba sezingeni elifanele kwamanzi njalo ngamaholidi ukusiza ukubhekelela ukuphepha komphakathi.
Kuthintwa okhulumela umasipala wetheku, unkk Gugu Sisilana, ucele ukuthi bathunyelelwe imibuzo nge-email, bese benikwa okungenani amahora awu-24 ukuphendula.