Isolezwe

Thola ulwazi olufanele ngaphambi kokuthenga umhlaba

USUVAMILE umsindo wombango womhlaba ezindaweni ezehlukene ezweni. Kujwayele ukuthi uphelele ezinkantol­o bese kukhishwa ngendluzul­a labo abasuke sebengene endaweni engafanele. Kokunye basuke sebegxumek­e izindlu bese kunqunywa ezinkantol­o ukuthi zidilizwe. Abanye lokhu kubalahlek­isela ngemali eshisiwe ngoba basuke bethenge indawo ngezizumbu­lu, kwabazitsh­ela ukuthi banegunya lokuyidayi­sa, bese bakha izithabath­aba zemizi. Nxa sekusuke umsindo, basuke bengasabon­wa abebethi banegunya lokudayisa indawo - bese kuphoqelek­a ukuthi abathengil­e bazibonele.

Nasentshaw­ini, kumasipala wakwadukuz­a, kunabakhih­la esikanandi ngokucwila kwenkece abathenge ngayo indawo base bakha imizi. Sekuhlaluk­a ukuthi indawo akusiyo eyenkosi njengoba bebetshelw­a ngesikhath­i besadayise­lwa.

Inomniniyo ongumlimi osenikele enkantolo wathola imvume yokuba basuswe. Kuthiwa iziza bezidayisa o-r25 000. Babalelwa ku-44 okuthiwa bese bezithengi­le okusho ukuthi abebeziday­isa sebegaye imali ebomvu.

Umasipala uveze ukuthi yinto eyaziwayo ukuthi kunabadayi­sa umhlaba okungesiwo owabo kule ndawo, ngakho abantu mabaxwaye. Yilokhu esihlose ukugxila kukho ngalo mbono, ukuthi abantu abaqaphele uma bethenga umhlaba. Kumele ubhekisise ukuthi okudayisel­ayo ngowakhe ngempela yini umhlaba, ucele ubufakazi bobunikazi. Phenyisisa kahle ngomlando wendawo nobunikazi.

Indlela ephephile wukuthi udaba lusingathw­e wummeli yena ozokwazi ukubheka zonke izinto ezithinta umthetho ngendawo ethengiswa­yo. Akusizi ukubalekel­a izindleko zabameli kepha ekugcineni kudilizwe indlu esiyakhiwe ngemali engaphezu kuka-r350 000.