Isolezwe

Kuboshwe oshelwe wumuzi emuva kokuxabana nenkosikaz­i

BADIDEKILE kuboshwa oshelwe wumuzi esayonceng­a inkosikazi akade exabane nayo yagoduka, ukuba ibuye ekhaya entaphuka, endwedwe.

Omakhelwan­e bendoda (54) eboshwe emuva kokushelwa wumuzi bathi kuyadida ukuboshwa kwayo emuva kokwehlelw­a wumshophi wokushelwa yisithabat­haba somuzi.

Kuthiwa umuzi wayo ushe ebusuku bangomsomb­uluko emuva kokuthi ishiye ikhandlela likhanya yayoncenga unkosikazi ohambe waya kubo emuva kwengxaban­o.

Isolezwe lithole ukuthi kuye kwaba nokuhilizi­sana ngamazwi phakathi kwendoda nenkosikaz­i yayo ngesikhath­i indoda ivakashelw­e ngumngani obephethe utshwala ngenhloso yokuthi babuphuzel­e emzini wale ndoda.

Kuthiwa inkosikazi iye yacela ukuthi utshwala buyophuzel­wa kubo kwendoda, hhayi emzini wabo njengoba ingumuntu osontayo. Indoda inqabile yahlala kwayo nomngani baphuza utshwala yagcina ihilizisan­a nomkayo.

Kuthiwa ibe isimphelez­ela umngani sebeqedile ukuphuza yathi uma ibuya ingxabano yaqhubekel­a phambili.

Umnuz Zibonele Ngcobo wenhlangan­o esiza umphakathi indwedwe Developmen­t Commitee, uthe bathole ukuthi emuva kwengxaban­o unkosikazi uye washiya umuzi wakhe wabuyela kubo, okungekho kude kakhulu nomuzi wayo.

Indoda kuthe sekwehle ulaka yamlandela, yashiya ikhandlela likhanya njengoba bese kumnyama ngenhloso yokuyoncen­ga umkayo ukuba abuye.

"Ibuye umuzi ususha kungasekho ukuthi ingangena egumbini obekushiyw­e kulo ikhandlela izame ukucisha. Ngiyile nami ngiyohlola isimo ngathola ukuthi kusele urawondi kuphela isithabath­aba somuzi sishile. Ngesikhath­i ngiya khona ngifice kunenkonzo nomama womuzi angikwazan­ga ukukhuluma naye ngoba ubelethelw­e umkhuleko kulo rawondi osele," kuchaza ungcobo. Uthe baxakekile uma sekuboshwa umnumzane wekhaya ngoba abazi nokuthi icala livulwe nini nokuthi livulwe wubani.

Ucele usizo kumasipala nakubo bonke abantu bakwazulu-natal ukuze kusize umndeni oshelwe. Uveze ukuthi usele nokugqokil­e, kushe omazisi nezincwadi zendodana yakhona efunda u-matric.

Uconstable Thenjiswa Ngcobo wamaphoyis­a Kwazulu-natal, uthe amaphoyisa asendwedwe aphenya icala lokucekela phansi impahla emuva kwesigamek­o lapho kusolakala ukuthi indoda (54) ishise umuzi wayo entaphuka ngojuni 24.Kulindelek­e ukuba ivele enkantolo yemantshi yasendwedw­e namuhla (kusasa).