Usoseshini ukhumbule osomatekisi asebashona
UFUNA bemukelwe futhi baphathwe ngendlela efanayo nozakwabo besilisa embonini yamatekisi usihlalo wophiko olubhekele abesifazane kwisantaco kuzwelonke.
Unkk Dudu Maphumulo usho kanje emcimbini wokukhumbula osomatekisi asebashona kusoseshini wamatekisi wakwamashu.
Umcimbi obusedurban North ngomgqibelo, uhanjelwe abasembonini kuphela nabanye abashonelwa izihlobo zabo.
Unkk Maphumulo uthe nabo bengabantu besifazane bayafuna ukunikezwa indawo yabo embonini yamatekisi babe nezwi.
"Sifuna ukuqinisekisa ukuthi ibhizinisi lethu liyakhula. Asifuni ukuphathwa wozakwethu besilisa kodwa sifuna izwi lethu lilaleleke, saziwe futhi sibambe iqhaza ekwakheni imboni yamatekisi," kusho unkk Maphumulo.
Uqhube wathi njengoba abayeni balabo mama abasembonini bengasekho emhlabeni, sekukhona bona futhi balandelwa yintsha.
Ubalule ukuthi ukungqubuzana okuyaye kube sembonini yamatekisi kutshala ingebhe.
"Nawe uwumama ugcina ungasayifiseli ingane yakho ukuthi ize etekisini ngoba uyazi ukuthi kunodlame. Uma singanikwa ithuba singabesifazane, lungaba khona ushintsho kuphele nodlame olugcwele ematekisini," kusho yena.
Usihlalo kasoseshini wakwamashu, umnuz Philani Ngwenya, uthe baqale ngokuthi bakhumbule ababehola lo soseshini asebashona.
"Sifuna ukuzosho ukuthi abakuqala sekuhambe kwaze kwafika lana futhi siphe imindeni yabo izipho ezizoba yisikhumbuzo.
Usoseshini wethu awunazo izinxushunxushu ngoba siyazisana, siyahloniphana futhi siwuthatha njengebhizinisi umsebenzi wethu," kuchaza ungwenya.
Uthe asebashona babashiya nemfundiso yokuthi kumele bahloniphane, umuntu angajahi ukuhola usoseshini kodwa aqale