Izinkanyezi
ARIES: Mar 21–Apr 19
KUHLE ukugqugquzeleka ikakhulukazi uma kukhona ofuna ukukwenza kodwa uyaxwayiswa ukuba ungenzi izinto ezizokubeka engozini. Cabangisisa kabanzi futhi uhlele izinto zakho.
TAURUS: Apr 20–May 20
KUNGAKUHLE uzame ezinye izindlela zokuphatha imali yakho. Kuyiqiniso ukuthi kumnyama ngasenhlanhleni kulesi sikhathi, ngakho ungazibandakanyi nezinto ezinobungozi ikakhulukazi uma ziphathelene nemali.
GEMINI: May 21–Jun 20
KUNGANZIMA ukuxazulula izinkinga obhekene nazo ngenxa nje yokungabambisani ngendlela efanele nabantu osebenzisana nabo. Kuzodingeka ukuba ukhulume ngezwi elinesisindo ukuze uthole okudingayo.
CANCER: Jun 21–Jul 22
EZINTWENI ezithinta umndeni, uma uzwa ukuthi unemibono engcono ezoshintsha isimo, lesi yisikhathi esihle kakhulu sokuba uzisukumele lezi zinkinga.
LEO: Jul 23–Aug 22
KUBALULEKILE ukuthi uqinise amaxhama okuxhumana ikakhulukazi ngasebudlelwaneni bakho ngoba uma kungenjalo kuzohlezi kukhona ongakuboni kahle. Kumele uqaphele kokwenzayo ungazitholi ususenkingeni.
VIRGO: Aug 23–Sep 22
ABAPHATHI bakho banalo uzwelo ikakhulukazi abobulili obufanayo nobakho, ngakho-ke ungalingi uzame ukucela usizo kubona ngoba ungazithola usuphoxekile kakhulu.
LIBRA: Sep 23–Oct 22
KUKHONA izinjongo onazo kulesi sikhathi kodwa ungaphazamiseka ngoba kukhona ongakubona ngendlela engafanele. Kukhona abantu nezinto ongazethembi kahle noma ezingakukhanyeli, lokho-ke kungadala ukuba ungakwazi ukuxazulula izinkinga obhekene nazo.
SCORPIO: Oct 23–Nov 21
INDLELA eya phambili usuyayibona kodwa kukhona ubunzima ongase uhlangabezane nabo obuzokuphazamisa.
Kungenzeka ukuthi kukhona umuntu oyimbangela yokuphazamiseka kwakho futhi ngumuntu onomona.
SAGITTARIUS: Nov 22–Dec 21
KUKHONA okuzokwehlela okuzokudumaza futhi kukuthuse kakhulu kodwa kumele ukusukumele ngokushesha lokhu kuphoxeka noma lokho kuphatheka kabi.
CAPRICORN: Dec 22–Jan 19
KUBALULEKILE ukuthi uqaphelisise kulokho okwenzayo, kungenzeka uzithole uphikisana nezinto kanti futhi kunobunzima ongahle ubhekane nabo njengamanje.
AQUARIUS: Jan 20–Feb 18
KUKHONA inselelo ozobhekana nayo ebunganini bakho. Kukhona ozokwenza okuthile okubi okuzokuhlukumeza ngoba nje azi ukuthi ungumuntu olungile futhi uzobe azi kahle ukuthi akukho okunye ongakwenza ngaphandle kokudinwa.
PISCES: Feb 19–Mar 20
KUKHONA izinkinga ezikukhungethe okufanele ubhekane nazo, ngakho kufanele ulalele imizwa yakho kukho konke okwenzayo. Zama ukwehlisa umoya futhi uzame ukuzithiba kokunye uma ufuna ukuthatha izinqumo ezibalulekile.
OKWENZEKA NGALOLU SUKU: Ngo-1990 owaba ngumengameli wokuqala omnyama wentando yabantu udkt Nelson Mandela, wamukelwa ngendondo yamaqhawe enew York.
PHAKATHI kosaziwayo abazalwa ngalesi sikhathi, sibala uthando Thabethe (osesithombeni) ongumlingisi nomsakazi wakuleli. Wazalelwa esoweto ngo-1990.