Isolezwe

Uzibona eqhubeka phesheya umothiba

USENALO ithemba lokuthi uzothathwa ngelinye lamaqembu aphesheya umgadli webafana Bafana, ulebogang Mothiba.

Ngesonto eledlule iqembu lasefrance, IRC Strasbourg, lidalule ukuthi ngeke lisayivuse­lela inkontilek­a kamothiba (28) ezophela ekupheleni kwale nyanga.

Ubesehlale iminyaka eyisithuph­a kuleli qembu alijoyina ngo-2018 esuka kwelinye lasefrance, ilille, afika kulona esuka kuleli ngo-2014.

Kule minyaka engu-10 aseyihlali­le efrance uke wabolekisw­a nakwamanye amaqembu akhona, ivalencien­nes netroyes.

Kwistrasbo­urg udlale imidlalo engu-96 washaya amagoli angu-20 ngaphambi kokuthi alimale edolweni ngodisemba nyakenye.

Lokhu kulimala kwaphinde kwaphazami­sa nephupho lakhe lokudlala kwi-africa Cup of Nations ekubeni wayefakiwe eqenjini elalimenye­zelwe ngumqeqesh­i webafana, uhugo

Broos.

Uthe nakuba egxile ekululamen­i ukuze abuyele enkundleni, labo abaphethe izindaba zakhe bona bamatasata­sa balungisa eyokuthi athole iqembu elisha.

“Okwamanje konke kusasezand­leni zalabo abangiphet­he. Azohlezi ekhona amaqembu angifunayo e-europe.

Angigxilil­e kulokho mina kodwa ngigxile ekutheni ngilulame ngokuphele­le. Selokhu ngabuyela eningizimu Afrika ngisebenza ngokuzikha­ndla, ngiphumula uma kuyisonto kuphela,” kusho umothiba ekhuluma nethimba labezindab­a lesafa.

“Akukho engikwaziy­o mayelana namaqembu aseningizi­mu Afrika okuthiwa ayangifuna. Ngibheke ukuthi idolo libe ngcono ukuze ngiqhubeke nokudlala e-europe. Ngilindele ukuthi ngilulame ngokuphele­le emasontwen­i amathathu noma amane.

“Ngizoqhube­ka ngisebenze kodwa angifuni ukujaha. Ngizokwenz­a okufanele ngikwenze usuku nosuku ngoba uma ngijaha ngingase ngizilimaz­e bese ngihlala isikhathi eside kakhulu ngingadlal­i. Okwamanje ngiyethemb­a ukuthi emasontwen­i amane azayo ngizobe ngise-europe ngilungise­lela ukuqala kwesizini.”

Umothiba ubekhuluma esekhempin­i yebafana lapho ebeyogqugq­uzela khona abadlali abaseqenji­ni elizobheka­na nenigeria nezimbabwe kweyokuhlu­ngela indebe yomhlaba.

Iqembu likahugo Broos lizodudula­na nenigeria egodswill Akpabio Stadium, e-uyo, kusasa ngo-9 ebusuku emdlalweni kagroup C.

Kuleli qoqo kuqhwakele irwanda ngamaphuzu amane emidlalwen­i emibili. Ibafana iyalandela ngamaphuzu amathathu, inigeria, Lesotho, Zimbabwe banamaphuz­u amabili, bese ibenin iba semsileni ngephuzu elilodwa.

“Ngingumunt­u ohlale enethemba. Ngiyakhole­lwa kozakwethu abaseqenji­ni lesizwe. Sinabadlal­i abasezinge­ni eliphezulu kakhulu. Ngokubona kwami sizoyinqob­a inigeria,” umothiba uqhube kanje.

“Kufanele iqembu libambisan­e enkundleni futhi likhiphe wonke amandla elinawo ukuze linqobe. Indaba yokuphumul­a lizoyibona ekupheleni komdlalo. Enkundleni kumele lenze isiqinisek­o sokuthi lenza konke okusemandl­eni ukuthi liyinqobe inigeria.”

Ibafana izodlala olandelayo wokuhlunge­la indebe yomhlaba nezimbabwe efree State

Stadium ngolwesibi­li.