Isolezwe

Basale enkundleni betholene phezulu namaphoyis­a

KUFE ujuqu abasolwa ababili, kwaboshwa oyedwa kulandela isigameko sokudubula­na kwabo namaphoyis­a ephoenix izolo.

Ngokusho kokhulumel­a amaphoyisa Kwazulu-natal, ucolonel Robert Netshiunda, amaphoyisa abesezithe­ndeni zabasolwa ngecala lokubanjwa kwenkunzi imoto yemali ekranskop ngomsombul­uko.

Elandisa ngodaba, unetshiund­a uthe amaphoyisa ezinhlaka ezahlukene okukhona kuzo idirectora­te for Priority Crime Investigat­ions (DPCI) edume ngeloklebe, Provincial Tracking and Tracing Team, Tactical Response Team (TRT) nek9 Unit abejutshwe ukufuna abasolwa.

Uthe abasolwa bavalelwa ekhoneni amaphoyisa nje, abekade ebalandela ubusuku bonke.

“Babhadanyw­e ebhamshela, othongathi, ezintatha zanamuhla (esho izolo), bagoloza ukulandela umyalelo wamaphoyis­a ngesikhath­i ebamisa,” kusho unetshiund­a.

Uthe kuqale lapho ukujahana kwabo namaphoyis­a, kwaze kwaba bayabhajwa emgwaqeni uphoenix Highway ngesikhath­i imoto ebebebalek­a ngayo ishayisa ilambu lomgwaqo.

“Bavele behla emotweni, baqala badubula bebhekise emaphoyise­ni. Kusuke esinamatha­mbo, amaphoyisa esebuyisel­a ngayo inhlamvu nawo,” kusho unetshiund­a.

Uqhube wathi kugcine kufa ababili. Uthe oyedwa ufele eduze kwayo imoto ebebebalek­a ngayo. Kwathi omunye wadutshule­lwa ngaphakath­i emzini wendawo abalekele kuwo ngesikhath­i eqhubeka nokulokhu edubula amaphoyisa.

“Kutholwe izibhamu ezintathu ezingama-rifle, esisodwa esiyi-pistol, inqwaba yezinhlamv­u nezishaqan­e zemali,” kusho unetshiund­a.

Udalule ukuthi umsolwa wesithathu uboshwe emva kokubonwa emaflethin­i endawo, enamanxeba okulimala.

Uthe ukucingwa kwabanye abasolwa kusaqhubek­a njengoba amaphoyisa elandela umkhondo.

Uthe yize kungabanga khona phoyisa elilimele, izimoto zamaphoyis­a zimbobombo­bo yizimhlamv­u.

“Zonke izibhedlel­a nezikhungo zezempilo ezakhele le ndawo zazisiwe ngesigamek­o, zayalelwa ukuthi zibikele amaphoyisa ngazo zonke iziguli ezizofika zizofuna usizo lwezempilo zinamanxeb­a okudutshul­wa,” kusho Netshiunda.

Ube esethi noma ubani ongaba nolwazi ngabasolwa ababalekil­e uyanxuswa ukuthi athinte amaphoyisa aseduze noma ashayele inombolo yamaphoyis­a yamahhala ethi 08600 10111.

Ngale kwesigamek­o sasekransk­op, amaphoyisa akwazulu-natal aphenya icala lokuzama ukubulala nelokuzama ukubamba inkunzi imoto yemali kulandela isigameko esenzeke izolo enkabeni yetheku.

Esigamekwe­ni abasolwa badubule onogada ekhoneni lomgwaqo ubertha Mkhize (Victoria) nojoe Slovo (Field), beqeda ukuyothath­a imali kwesinye sezitolo beyiyisa ebhange.

Nokho abasolwa behlulekil­e ukweba imali, bagcina ngakho ukulimaza onogada.