Isolezwe

Kuhlehle icala ummangalel­wa exinwa yisibhobo

KUPHOQE ukuthi lihlehle icala lokungqong­qiswa ngomlilo kwabathath­u okwenzeka enkanini, ecato Manor, ngojanuwar­i 25, 2023 ngesikhath­i ummangalel­wa wokugcina ekhala ngesibhobo ebesisho ukumjuqa enkantolo enkulu yasethekwi­ni izolo.

Bayisithup­ha abasolwa kuleli cala, ngomnuz Mniseli “Jomo” Khondlo (41), Vusimuzi Mazula (46), Thandekile Penelope Sithuntsa (37), Siphenathi

Zoko (28), Mfanafuthi Muzi Masikane (37) noscelo Thusi (39) okunguyena oxinwe wukugula kuqhubeka icala.

Laba basolwa ngokuthi baba ngo ngqo n do ngqo n do ekutheni bokhele ngomlilo abesilisa abathathu, omnuz Phumlani Tsheke, Numkile Mfenqe norefilwe Mokoena.

Laba ababulawa kuvela ukuthi babewuhlal­ise lubhojozi umphakathi ngezigamek­o ezehlukene.

Phakathi kwezigamek­o ababesolwa ngazo ukudlwengu­la abesifazan­e, ukubamba inkunzi nokudayisa ngodli izindlu zabantu bakule ndawo.

Izolo ngesikhath­i kuqhubeka icala, umsolwa wesithupha ubebonakal­a ebamba isisu ezibhongqa. Ugcine ebonakala esephakami­sa isandla.

Kusondele ummeli eduze kwakhe okunguyena ogcine esetshela ijaji umahendra Chetty, ukuthi ummangalel­wa ubambekile akazizwa kahle.

Ijaji libe selicela ukuthi icala lihlabe ikhefu isikhashan­a ukuze athole ukunakekel­eka akudingayo umsolwa.

Selibuya ekhefini ufakazi, ongeke lidalulwe igama lakhe, uqhubekile nokuthula ubufakazi ethatha inkantolo ngamehlo engqondo ngokwenzek­a ngosuku lwesigamek­o.

Kuthe esalandisa ijaji laphinda lakuqaphel­e ukuthi umsolwa wesithupha usabhekene nenkinga yokugula.

“Ngenxa yokuthi omunye wabasolwa ubonakala engaphilil­e nhlobo. Leli cala kungcono lihlehle ukuze liqhubeke kusasa ngesikhath­i esifanayo kuyona le nkantolo,” usho kanje.

Ekuseni ufakazi utshele inkantolo ukuthi abasolwa abane kulaba abayisithu­pha wababona behlome beyizingov­olo ngesikhath­i kusuka udweshu lokubulawa ngesihluku kwalaba abathathu.

Uthe ummangalel­wa wesihlanu nowesithup­ha, obegula, bona akazange aqaphele ukuthi babehlome ngani esandleni.

Uthe abamangale­lwa ubakhumbul­a kahle befika endlini ababekuyon­a bathatha laba abathathu bayobokhel­a ngomlilo emotweni.

Ngosuku lwesigamek­o kuvela ukuthi umphakathi wawuhlome uyizingovo­lo uphethe ocelemba, izando nezinye izikhali wahlasela kubo kaphumlani lapho ayehlezi khona nabangani bakhe.

Kuvela ukuthi babathatha babayisa emotweni babaphoqa ukuba bangene kuyona ngaphakath­i base befaka uphethroli base bayabashis­a.