Izinkanyezi
ARIES: Mar 21 - Apr 19.
UMDLANDLA ovuselelekile kufanele usebenzisane nempumelelo yakho ngalesi sikhathi. Cabanga futhi uhlele kahle ubeke phambili impumelelo, kwazise ungazithola usushintsha umdlalo ozichithela ngawo isizungu ube yinto engakuzuzisa.
TAURUS: Apr 20 – May 20.
UZOZUZA ngolwazi ongaluthola noma ngokwethulwa ngothize kwabanye futhi lokhu kungase kwenyuse amathuba akho enhlanhla. Uma nje uzogcina amaxhama okuxhumana eqinile.
GEMINI: May 21 – Jun 20.
UKUCABANGA izinto ezakwehlela nesezadlula, kungakusiza ukuze uthole izifundo ezithile ongazisebenzisa ukugwema amaphutha afanayo uphinde uqale impilo entsha engenazihibe.
CANCER: Jun 21 – Jul 22.
YISIKHATHI sokuthi ube nomdlandla futhi uqale izinto ezintsha kodwa kukhona konke lokhu sebenzisa ingqondo yakho ngokuphelele. Futhi lingase liqhakaze ikusasa lakho ngalesi sikhathi uma uqikelela.
LEO: Jul 23 – Aug 22.
LESI yisikhathi esihle sokuzibandakanya kwezamabhizinisi noma emsebenzini, ngakho uyelulekwa ukuba uyikhathalele impumelelo. Kanti nakwezokungcebeleka zingakuhambela kahle izinto ngalesi sikhathi.
VIRGO: Aug 23 – Sept 22.
KUNGASE kube yisikhathi senjabulo lesi njengoba uzohlangana nabangani abasha nabangakwenza uthokoze. Izivumelwano ezintsha zomndeni wakho zibukeka zihamba kahle.
LIBRA: Sept 23 – Oct 22.
UKWAMUKELA kwakho isimo obhekene naso kungakusiza ekuphendleni indlela eya empumelelweni ngalesi sikhathi. Ungakwazi ukuzisungulela into engakwenzela inzuzo ngalesi sikhathi.
SCORPIO: Oct 23 – Nov 21.
BHEKISISA indlela oxhumana ngayo nabanye abantu futhi ulungise nendlela obukeka ngayo. Ngalokhu ungazithola ususendleleni eya empumelelweni, inqobo nje uma uzoqinisekisa ukuthi uxhumana nabantu abasemazingeni aphezulu.
SAGITTARIUS: Nov 23 – Dec 21.
LINDELA ukuthokoza okuzobe kuhambisana nezinto ezizokuthuthukisa ngalesi sikhathi. Izinkinga zakho zibukeka zizixazulula zona njengoba usuyekile ukuzixaka ngazo. Futhi ukuzibandakanya kwezokungcebeleka kungakulethela abangani abasha.
CAPRICORN: Dec 22 – Jan 19.
UKUQALA kabusha kubalulekile ngalesi sikhathi, ngakho uyelulekwa ukuba ungazichitheli isikhathi ngezinto esezidlulelwe isikhathi. Umcabango owodwa onawo uzokuholela komunye, bese kuphuma into esezingeni eliphezulu.
AQUARIUS: Jan 20 – Feb 18.
SHAYISA ngomoya ingqondo yakho ukuze ukwazi ukuthokoza empilweni njengoba unenhlanhla yokuthandwa izihlobo nabangani ngalesi sikhathi. Siza abanye abantu nawe ukuze ungagcini usubukeka njengogombela kwesakhe.
PISCES: Feb 19 – Mar 20.
CHITHA ingxenye yesikhathi sakho kwezobuciko njengoba izinto zingase ziqhakaze kulo mkhakha. Ungase ukuthokozele ukuyothenga impahla entsha yokugqoka noma yasendlini ngalesi sikhathi.
OKWENZEKA NGALOLU SUKU: Ngo-1986 kwadutshulwa kwabulawa amalungu amabili E-ANC usipho Dlamini nobusi Majola besendlini eyayiseduze kwasembombela, eswazini.
Phakathi kosaziwayo abazalwa ngalesi sikhathi sibala u-atandwa Kani (osesithombeni) ongumlingisi wakuleli.
Wazalelwa eport Elizabeth ngo-1984.