Isolezwe

Injabulo ku-unathi ebuyiswa emiklomelw­eni yabesifaza­ne

UKHUZA ibuya okwesibili iminyaka ilandelana u-unathi Nkayi, ozophatha uhlelo emcimbini wezindondo ibasadi in Music Award nonyaka.

U-unathi, ongumethul­i wezinhlelo zethelevis­hini, umsakazi futhi ongumculi wafakwa ekugcineni ekuphathen­i uhlelo emcimbini wanyakenye.

Phambilini abagqugquz­eli bedili lezindondo zokuhlonip­ha imbokodo kwezomculo, okuzoba ngokwesith­athu lisingathw­a, babememeze­la ukuthi luzophathw­a ngukhanyi Mbau.

U-unathi uthe kunezinto ezimangali­sayo ezenzekala­yo uma uzihlangan­isa nabesifaza­ne abanentshi­sekelo ngamaphuph­o abo.

“Kwaba mnandi ukuba yingxenye yabasadi in Music Awards nyakenye futhi ukumenywa ukuthi ngibuye ngizophath­a uhlelo kungenza ngiphuphum­e yinjabulo. Yithuba lokugubha uhambo lwamaciko amangalisa­yo angigqugqu­zela mihla namalanga,” kuphawula u-unathi.

Umsunguli wemiklomel­o uhloni Modise Matau, uthe bayajabula ngokubuyis­a u-unathi futhi balindele ukuthi aphinde enze into yamehlo.

“Indlela ebheke kuma #Basadiinmu­sic2024 iyaqhubeka futhi sikubheke ngabomvu ukuthi siphinde sijabulele ithalente nempumelel­o yabantu besifazane baseningiz­imu Afrika emculweni,” kusho uhloni.

Umcimbi wanonyaka uzokuba ngo-agasti 10, kusukela ngo-8 ebusuku, ejoburg Theatre. Kuzoqala ngokuthi kwethulwe amaciko, nezihambel­i zedili lomculo, ekhaphethi­ni obomvu kusuka ngo-5 ntambama kanti indikimba yanonyaka ithi Girl in the

Mirror: Our Reflection.

Amathikith­i aseqalile ukudayisa ewebticket­s ngor500.

Ngonyaka odlule abahlomula ngemiklome­lo kubalwa ulwah

Ndlunkulu, Khutso Theledi, Kelly

Khumalo, Nhlanhla Mafu, Qwabe

Twins, Ntokozo Mbambo nabanye.