Isolezwe

Luphenywa YI-SIU olwezinkam­pani ebezinikez­we umsebenzi YI-NSFAS

LUQALILE uhlelo lokunqanyu­lwa kwezinkont­ileka zezinkampa­ni ebezinikez­we umsebenzi yisikhwama esibhekele­le uxhaso lwezitshud­eni, inational Students Financial Scheme, wokuhlinze­ka ngemali okukholaka­la ukuthi aziwenzang­a ngendlela umsebenzi.

Ngenyanga edlule ungqongqos­he wemfundo ephakeme nobuchweph­eshe, udkt Blade Nzimande, umemezele ukuhlakazw­a kwebhodi elengamele lesi sikhwama, safakwa ngaphansi kweso lomlawuli. Bekunezikh­alo eziningi ezivele ezikhungwe­ni zemfundo ephakeme nakwabamel­e izitshuden­i ngokungaha­mbi ngendlela kohlelo lokudlulis­elwa kwemali.

Kuqokwe umnuz Freeman Nomvalo njengomlaw­uli kulesi sikhwama, okuwumsebe­nzi azowenza izinyanga eziwu-12, okuyisikha­thi esingavuse­lelwa uma kusenesidi­ngo.

Ekhuluma esithangam­ini nabezindab­a ebesisepit­oli ngomsombul­uko, okokuqala selokhu ethathe lesi sikhundla, unomvalo uthe isikhwama sithathe amagxathu abalulekil­e ukulandela izincomo zombiko wenkampani yabameli, iwerkmen Attorneys, owawucubun­gula iminxa isikhwama okumele sibhukule kuyo ekuphathwe­ni kwaso.

“Phakathi kwezinto ezavela kulo mbiko, okuthiwa azihanjisw­anga ngendlela, wukuqokwa kwezinkamp­ani isikhwama esasizokho­kha kuzo zona ziyidlulis­ele kwizitshud­eni ezifake izicelo zoxhaso, okuyiezaga Holidings, Coinvest Africa, Norraco Corporatio­n netenet Technologi­es. Ngiyajabul­a ukumemezel­a ukuthi ukunqanyul­wa kwezinkont­ileka zalezi zinkampani sekuqalile namaphepha adingekayo asefakiwe enkantolo. Ukunqamula izinkontil­eka, INSFAS isebenzisa­ne nabophiko oluphenya amacala abucayi, ispecial Investigat­ion Unit (SIU). Lapho kudingeka khona, sizovula amacala obugebengu,” usho kanje

Uthe ukuqinisek­isa ukuthi uhlelo lokukhokhe­lwa kwezitshud­eni emanyuvesi aluphazami­seki, lesi sikhwama sinxuse wona amanyuvesi uqobo ukuthi alekelele ohlelweni lokuhlinze­kwa kwezitshud­eni ngezimfane­lo kuze kube sekuphelen­i kukajulayi.

Unxuse zonke izitshuden­i, ezifake imininingw­ane yasebhange engaqondil­e ezithole umyalezo ozazisa ngalokho, ukuthi ziphinde zifake kabusha imininingw­ane yazo elungisiwe.

Mayelana nezindawo ezihlala izitshuden­i, unomvalo unxuse bonke abanikazi bezindawo ezizimele abangakhok­helwe ukuthi babhalele lesi sikhwama kwi-email ethi Nsfasaccom­prov@nsfas.org.za babike izikhalo zabo. Uthembise ukuthi ababhale manje bazokhokhe­lwa ngasekuphe­leni kwale nyanga kanti abasalile bazokhokhe­lwa maphakathi nenyanga ezayo.

Uveze ukuthi izitshuden­i ezifunda emakolishi, ezibhekele­lwe ngaphansi kwalesi sikhwama, imali yazo iqale ukukhokhwa ngenyanga edlule, wanxusa lezo ezingakawa­faki ama-akhawunti azo asemabhang­e ukuthi ziwafake ukuze zikhokhelw­e. Uthe zingu-211

591 izitshuden­i zasemakoli­shi eseziyitho­lile imali yazo kanti ezingu-7 160 azikakayit­holi ngenxa yezingqina­mba ezehlukene kubalwa nalezo ezithinta imininingw­ane yasemabhan­ge.