Ukodwa wenze izinguquko ezimbili ebhodini LEBSA
UNGQONGQOSHE womnyango wezemidlalo, uzizi Kodwa, wenze izinguquko ezimbili kuphela kumalungu ebhodi leboxing South Africa (BSA) elasusa umsindo ngasekupheleni konyaka odlule.
Ngonovemba 28 ukodwa wamemezela ukuthi ibhodi elisha lizokwakhiwa usifiso Shongwe, Sakhiwo Sodo, Luxolo September, Romy Titus, Nande Mheshe, Princess Nongoma nomarry Sitata. Kwakumele lingene ehhovisi ngodisemba 12.
Nokho alikwazanga ngenxa yokuthi inhlangano yophromotha bakuleli, inational Professional Boxing Promoters Association (NPBPA), eholwa u-ayanda Matiti, yanikela enkantolo ikhala ngokuthi ukodwa nethimba lakhe abawulandelanga umthethosisekelo beqoka amalungu amasha.
Lolu daba luqhubeke izinyanga enkantolo. Nokho ngesonto eledlule ukodwa uhlangane nezinhlaka ezehlukene zesibhakela ukuthola isixazululo sale nkinga ebibaphilisa kanzima abalo mdlalo.
Kuzokhumbuleka ukuthi INPBPA ibingafuni nokuthi kuqhubeke ukuhlelwa kwemiqhudelwano yesibhakela kuze kube kuxazululwa le nkinga.
Kuneyenziwe ngenkani, eminye yagcina ibhuntshile.
Ngalo isonto eledlule kuphinde kwangezwa ngamagama ayisikhombisa ebhodini lokuqala ebeliphikiswa.
Izolo ukodwa ugcine ekuqedile ukuqagela. Kwebeliphikiswa ukhiphe umarry Sitata noprincess Mangoma kuphela. Ezikhundleni zabo kungene udkt Koketso
Tsebe noluvuyo Precious
Bayeni. Njengoba ukodwa wayememezele nangonyaka odlule, ushongwe usazoqhubeka nokuba usihlalo waleli bhodi elingene ehhovisi ngalo ulwesibili.
Lizophuma ngosuku olufanayo, ngo-2027. Ukodwa ubonge wanconcoza kumandla Ntlanganiso obebambe izintambo lingakaqokwa ibhodi.
"Ngithanda ukugqugquzela ibhodi elisha ukuthi liqhamuke namaqhinga amasha azothuthukisa lo mdlalo aphinde ahehe abatshalimali kwibsa. Lesi yisikhathi sokuthi zonke izinhlaka zalo mdlalo, kusukela kumabhokisa, izimenenja, abaqeqeshi,nophromotha babeke ukungezwani eceleni. Ngicela bonke abantu bakuleli babuyele emahholo bayobuka isibhakela. Ngibonga kakhulu kumandla Ntlanganiso ngokuyibamba ishisa kade kusenezinkinga ngebhodi," kubeka ukodwa.