Isolezwe

Makutholak­ale impilo epoly, hhayi ukufa

IYADUMAZA imibiko evela ngomtholam­pilo ipoly Kwamashu emva kokushona kwesiguli ngomsombul­uko. Kuthiwa owesilisa oneminyaka engu41upha­ngalale emva kokunqatsh­elwa ngonogada ukungena egunjini labezimo eziphuthum­ayo ukuze athole usizo.

Kuvele nokuthi emasontwen­i amabili zine iziguli ezishone zingakasiz­wa yize bese zingaphaka­thi emtholampi­lo. Phezu kokuba lesi sikhungo sivula amahora angu-24 kepha kuthiwa asikwazi ukusiza izakhamuzi zikhathi zonke. Inkinga ikhonjwa esibalweni sabasebenz­i esingenele. Kuthiwa kuyenzeka iziguli zihlale kulayini isikhathi esilingani­selwa emahoreni amahlanu.

Lena yinkinga esabalele izwelonke. U-82% wabantu baseningiz­imu Afrika ubhekene nale ngwadla yokungaseb­enzi ngokuyikho kohlelo lwezempilo. Kushoda odokotela, abahlengik­azi nabanye abasebenzi kwezempilo. Iziguli zilahlekel­wa yimpilo sezifikile emitholamp­ilo ekubeni bezingahle­ngeka.

Eminye imitholamp­ilo igcwala ngokweqile, abasebenzi bahluleke wukubhekan­a nomthamo weziguli. Kweminye kukhalwa ngabaseben­zi abahudula izinyawo. Kokunye nemishangu­zo ibuye ingatholak­ali.

Konke lokhu kuphambene nesigaba 27 somthethos­isekelo esithi wonke umuntu unelungelo lokuthola usizo lwezempilo futhi akekho okumele anqatshelw­e ukwelashwa okuphuthum­ayo.

Umsebenzi wokwelashw­a kweziguli ubucayi ngoba nxa ungenziwa kahle kulahleka impilo okanye kuyibeke engcupheni. Izinkinga ezibikwayo ziyinselel­o kwabapheth­e ukuba bahlele izinto kangcono. Siphonsela inselelo nezinyunya­na zabasebenz­i bezempilo ukuba zingafeli ngaphakath­i kube konakala izinto.

Sinxusa nabasebenz­i bezempilo jikelele ukuba kungaphumi izidumbu phambi kwabo belibele wukukhonon­da ngotavatav­a oludalwa wuhulumeni. Akuthi kuxoxwa ngezinking­a kepha abasebenzi bebe benza okusemandl­eni ukusiza iziguli.