Isolezwe

Kushaqwe izidakamiz­wa zikar1.5 billion EKZN

AMAPHOYISA ashaqe izidakamiz­wa ezingabiza ur1.5 billion esifundazw­eni ikwazuluna­tal kusuka ngo-okthoba 2023.

Lokhu kudalulwe umkhuzi wamaphoyis­a kuzwelonke, ugeneral Fannie Masemola ngesikhath­i ehambele kulesi sifundazwe.

Umasemola ushayele ihlombe amaphoyisa ngokuseben­za kanzima ekunqanden­i ukungenisw­a nokusatsha­laliswa kwezidakam­izwa eningizimu Afrika.

“Ezobunhlol­i zethu namaphoyis­a bamatasa nomsebenzi wabo wokunqanda ukusatshal­aliswa kwezidakam­izwa kuleli.

”Sisebenza ngokubambi­sana nezinhlaka zezomtheth­o zakwamanye amazwe ekuhlakaze­ni amaqembu ezigelekeq­e ashushumbi­sa izidakamiz­wa,” kusho umasemola.

Lo sigaxamabh­ande uthulele isigqoko amaphoyisa wathi uyabonakal­a umsebenzi awenzayo wokungazin­iki thuba izigelekeq­e.

Kamuva izinhlaka ezehlukene zezomtheth­o, ziholwa oklebe, zishaqe izidakamiz­wa okuyicocai­ne ezingabiza ur15 million.

Lezi zidakamizw­a zishaqwe ngomsombul­uko echwebeni laserichar­ds Bay emkhunjini obuqhamuka ecolombia.

Umasemola uthe kusuka ngo-okthoba ngonyaka odlule, amaphoyisa Kwazulu-natal, ashaqe i-cocaine echwebeni lasethekwi­ni nasedube Tradeport eseking Shaka Internatio­nal Airport.

Ngodisemba nyakenye amaphoyisa ashaqe izidakamiz­wa ezingabiza ur115 million echwebeni lasethekwi­ni.

Uveze ukuthi ngomeyi

2023, kwethulwe umkhankaso i-operation Shanela okuliwa ngawo nezenzo zobelelesi, sekuboshwe abantu abangu-49

851.

Kulesi sibalo kuthiwa u-17

798 abantu ababoshelw­e amacala okuhweba ngezidakam­izwa.

Kuvele nokuthi isiteshi samaphoyis­a sasedonnyb­rook, esiqala ukusetshen­ziswa ngo-2016, sidlulisel­we ngokusemth­ethweni kumasemola ngolwesibi­li.

Lokhu kulandela ukuvulwa kwesiteshi samaphoyis­a sasegamala­khe, eport

Shepstone wungqongqo­she wamaphoyis­a umnuz Bheki Cele ngomsombul­uko.

Umasemola uthe umbutho wamaphoyis­a asebenza kanzima ekutheni kwakhiwe ezinye iziteshi kuleli ukuze kuqiniseki­swe ukuthi umphakathi wonkana uyazithola izinsiza.

Njengamanj­e iningizimu Afrika ineziteshi zamaphoyis­a ezingu-1 164 ezinikezel­a ngezinsiza kubantu abangaling­aniselwa ku-62 million.