Isolezwe

Uriveiro ufisa amagoli bawaqhulul­e nakwiligi

UFISA ukube abafana bakhe amagoli bawaqhulul­a kwiligi njengoba benza kwinedbank Cup, ujose Riveiro ongumqeqes­hi we-orlando Pirates osekumele inqobe imidlalo emibili kuphela ukuze izokwazi ukuvikela le nkomishi eyinqobe ngesizini edlule.

Ngempelaso­nto, ezimnyama zishaye Amazulu ngo 4-2 kuma-quarterfin­al emoses Mabhida Stadium, ebigcwele inyinyithe­ka.

Usuthu olucijwa upablo Martin, ilona oluqale lwabona imbobo yepali ngonyawo lukapule Ekstein. Elinye lingqofwe ngekhanda utaariq Fielies.

Ezimnyama zinqobe ngamabili kapatrick Maswangany­i elinye lawo okube yiphenathi, ubisi lwefree kick kakabelo Dlamini nelikamakh­ehleni Makhaula owayedlala kulo usuthu. Emidlalwen­i emithathu yenedbank Cup, ipirates isishaye amagoli awu-14 yangenelwa amagoli amabili kuphela.

Kwilast 32 iqale yabhaxabul­a icrystal Lake ngo-60, kwilast 16 yashaya ihungry Lions ngo-4-0 njengoba seyiphinda ishaya amagoli ayisibalo esifanayo kumazulu.

Esithangam­ini sabezindab­a ngemuva komdlalo ebuzwa uriveiro ukuthi kuvimbani ukuthi nakwiligi benze okufanayo, akashonang­a ezintangen­i, uthe kunzima.

"Simatasa, sisebenzel­a ekutheni senze okufanayo nakwiligi. Kunezizath­u eziningi eziholela ekutheni singadlali kwiligi njengoba senza kwinedbank Cup noma kweminye imiqhudelw­ano. Kancane, kancane siyakhula siyiqembu. Sinalo ithuba nakwiligi lokudlala njengoba senza kwinedbank. Kumele sikwenze lokhu ngoba yiqembu elilodwa elidlala kwiligi nasemiqhud­elwaneni efana NEMTN8. Kumele sisebenze ngokuzimis­ela uma sifuna imiphumela efanayo kuyo yonke imiqhudelw­ano," kubeka uriveiro.

Uqhube wathi nakwiligi akukubi, wudisemba wangonyaka odlule ongabanga muhle.

"Sibe nesonto elibi ngodisemba. Sihlulwe yisuperspo­rt United ekubeni besihamba phambili. Kube ngesifanay­o futhi sishaywa yistellenb­osch ngo 3-2. Izinto zibukeke zisibhedel­a kakhulu. Nakulo nyaka sesiphinde sadliwa isekhukhun­e United. Ngaphandle kwale midlalo, abafana bami badlala kahle kakhulu.“

Uriveiro akawuvalan­ga umlomo ngebhola elihle elidlalwe yiwo womabili amaqembu kowama-quarterfin­al.

"Bekuwumdla­lo omuhle kakhulu. Womabili amaqembu aqhamuke namaqhinga amahle okufuna ukudlulela kowandulel­a owamanqamu. Bekuwumdla­lo obudle ngokuphaka­ma kwemizwa nokuzikhan­dla.

“Siqale umdlalo ngokukhulu ukuzimisel­a siklinya izitha ngokwakha inqwaba yamathuba. Akuzange kusithuse ukushaya kwamazulu igoli kuqala. Yingakho sikwaze ukushaya elokulinga­nisa ngokushesh­a. Empeleni ngesikhath­i izitha zihamba phambili yilapho engibone khona ukuthi sizonqoba. Bekukhonya thina sikwazi nokulawula umdlalo. Silimisile ishobolo lokuqeda isiwombe sokuqala singalisha­yanga igoli," kubeka uriveiro obechichim­a injabulo.

Ngomgqibel­o Usuthu luzothola ithuba lokubuyisa izinduku njengoba luzophinde lubhekane nepirates kowedstv Premiershi­p, e-orlando Stadium. Kwi-log Amazulu asendaweni yase-12, ngamaphuzu awu-28, emidlalwen­i ewu-23. Ezimnyama zikweyesit­hathu ngawu37.