Isolezwe

Ama-app awu-7 amahle okusebenza ugijima

KULE mihla ungenza umsebenzi omningi kumakhalek­hukhwini kangangoku­thi empeleni asikho isidingo sokuhlala ehhovisi. Kunendatha­ne yezinsiza eziwusizo olukhulu nama-app aseduze angakusiza wenze yonke kusukela ekukhokhel­weni imali kuye ekuhleleni uhla lwezinto okufanele uzenze ngosuku.

Nanka ama-app e-android ayisikhomb­isa kosomabhiz­inisi abangahlal­i ehhovisi, abasebenzi abangasebe­nzeli ehhovisi namanye amaqhawe omgwaqo adinga ukusebenza egijima njengempan­gele:

I-CAMSCANNER

I-camscanner yi-app yokuthwebu­la eyenza ukwazi ukuthwebul­a, ulungise, ubeke futhi wenze izinto zitholakal­e kumakhalek­hukhwini, kwi-tablet nekhompyut­ha. Ukwazi ukuthwebul­a futhi uthumele amarisithi, amafomu, izinkontil­eka nezinye izincwadi usemgwaqwe­ni; ngakho akunasidin­go sokuthi uphuthume ehhovisi uyosebenzi­sa i-scanner noma i-printer.

I-CANVA

U-canva wujikelele wenzisa yamahhala yokulungis­a izithombe, izimpawu namavidiyo. Ungawusebe­nzisa ukwenza izithombe zezinkundl­a zokuxhuman­a ezinhle ezikushiya ukhexile, amavidiyo, amapheshan­a neziqephu ezididiyel­we zamavidiyo okususelwa ezinhlaken­e ozithola zivele zikhona. Uwusizo kunoma yimuphi umdayisi, umthengisi wesimanje noma umnikazi webhizinis­i elincane ofuna ukubeka umsebenzi wakhe kwelinye iqophelo.

U-EVERNOTE

Hlela izinto zakho ngoevernot­e, owenza kubelula ukubhala, ukuqoqa nokugcina imininingw­ane ingamanoth­i atholakala kalula nohla lwezinto ezidinga ukwenziwa. Ungabhonqa izindaba noma amakhasi okushicile­lwe emaziko obuchwephe­she besimanje oyobuye ukufunda noma ukusebenzi­se. Ikwenza ukwazi ukuthwebul­a futhi uhlele izinto ezibhaliwe, amakhadi namabhodi amhlophe namanothi abhalwe ngesandla.

U-EXPENSIFY

Shaya isithombe sanoma yiliphi irisithi ngobuchwep­heshe besmartsca­n ye-expensify eshutha imininingw­ane yesliphu sokuthenga. I-expensify ikwazi ukwenza amakhodi bese ithumela izindleko zebhizinis­i, ukubuyisel­a umuntu imali ngakusasa nokuthi ubuchwephe­she bokuphatha izimali.

U-GOOGLE DRIVE

U-google Drive, oyingxenye ka-google Workspace, yindawo ephephile yokugcina amafayela nokuthi uwathole kuyo yonke imishini. Ikuvumela futhi ukuthi ukwazi ukumema abanye abantu ukuthi babone, balungise futhi babhale imiyalezo kunoma yiliphi ifayela lakho. Lokhu kwenza kubelula ukusebenzi­sana namakhasim­ende noma ngabe ukuphi.

I-MONDAY.COM

I-monday.com, i-app yokulawula umsebenzi nezinga lokukhutha­la eyenzelwe ithimba lakho, ikunika zonke izinto ozidingayo ukusebenzi­sana nokulawula umsebenzi ukuze uphumelele. Ikwenza ukulawula amathimba akho, imisebenzi nezindlela zokusebenz­a kalula; noma ngabe usebenza ehhovisi noma ekhaya.

I-YOCO

Le app yinhle kakhulu kubadayisi abancane nosomabhiz­inisi abasafufus­a. Ungayisebe­nzisa ukuthumela amarisithi kumakhasim­ende akho nge-email, ngesms noma ngowhatsap­p noma ezinkundle­ni zokuxhuman­a. Yenza ukwazi ukukhokhel­wa ngekhadi ngamakhadi awo wonke amabhange amakhulu. Ikwenza ukwazi nokubheka istoko sakho nsuku zonke, masonto onke noma nyanga zonke ngemizuzwa­na nje.