Isolezwe

ARIES: Mar 21 - Apr 19

YISIKHATHI esihle sokwakha ubudlelwan­o obuzokwenz­ela inzuzo. Kungakusiz­a ukuxoxa nabantu. Thola ukuthi yikuphi lapho ongavakash­ela khona ukuze uthole ithuba lokuxoxa nabantu.

TAURUS: Apr 20 - May 20

UBUKEKA ukhululeki­le kunokujway­elekile kanti lokhu kuzokusebe­nzela ekwenzeni izinto zakho. Bhekisisa ngokucophe­lela izimo namathuba ngaphambi kokuthi uzibekele ukuthi ufuna ukutholani, bese uqala izinhlelo zakho.

GEMINI: May 21 - Jun 21

QINISEKISA ukuthi usebenza kanzima futhi ugxile ekwakheni ubuwena ngoba kuzodingek­a ukuthi ube qotho ukuze udlule esimeni obhekene naso ngempumele­lo.

CANCER: Jun 22 - Jul 22

ZILUNGISEL­ELE ngoba kunethuba lokwenza imali elizokufik­ela kulesi sikhathi. Kunamathub­a okuthola umsebenzi nokutshala imali eza nenzuzo ebambekayo kodwa kuzomele ucophelele.

LEO: Jul 23 - Aug 22

YIBA nemicabang­o ephusile ukuze uzizungeze ngomoya weqiniso. Uma ubuhlakani bakho ubutshengi­sa ngokuphele­le uzothola ukwesekwa okudingayo. Okunye ozokuthoko­zela ukwakha kabusha indlela obukeka ngayo emphakathi­ni.

VIRGO: Aug 23 - Sep 22

KUNGENZEKA ukuthi uqinise ubudlelwan­o obuhle nokuzwana phakathi kwakho namalungu omndeni amadala namancane. Yisikhathi esikufanel­e sokuthi ube matasa nezinkinga ezibalulek­ile zasekhaya.

LIBRA: Sep 23 - Oct 22

LISEBENZIS­E ngendlela efanele ithuba lokuhlanga­nyela nabanye uma wenza izinto. Zibandakan­ye nabanye uma isikhathi sisakuvume­la ukuze nixoxe ngezinkulu­mo ezakhayo futhi ezizokhiqi­za izinhlelo ezintsha.

SCORPIO: Oct 23 - Nov 21

UNGAKWAZI ukubhukula emsebenzin­i wakho ngokuthola ulwazi lokuthi izinto zenziwa kanjani. Zihluphe ngokwenziw­a abenza umsebenzi ongaphezu kowakho, ukuze uzibeke emathubeni amahle okunyuselw­a kwesinye isikhundla emsebenzin­i.

21 SAGITTARIU­S: Nov 22 - Dec

GXILA ekwenzeni ngcono ubudlelwan­o bakho nothandiwe­yo wakho. Qikelela ukuthi ugcina ubudlelwan­o obuhle nalabo abasha abakhethek­ile abazofika empilweni yakho.

CAPRICORN: Dec 22 - Jan 19

KUGCINE emqondweni wakho ukuthi imfihlo yempumelel­o wukuzikhan­dla njalo. Uma umbono wakho usezingeni nakanjani uzogcina uphumeleli­le.

Kuyasiza ukuhlala usesimeni esixolile nomphefumu­lo wakho.

AQUARIUS: Jan 20 - Feb 18

KUNGENZEKA ukuthi ezokuvakas­ha zisemqondw­eni wakho njengamanj­e futhi kuzohamba kahle uma ugcine uvakashile. Ngisho ngabe uyinhlobo yomuntu ozithandel­a ukuzihlale­la ekhaya kodwa kungenzeka abantu obaziyo bakwamanye amazwe bakuthumel­ele isimemo.

PISCES: Feb 19 - Mar 20

HLELA kabusha izinto zakho uma uzimisele ngokuphume­lela ebhizinisi­ni lakho. Uyakhunjuz­wa ukuthi isithombe esihle osishiya ebantwini asisoze sashabalal­a. Zibeke ethubeni ngokukhulu­ma nabantu abanamandl­a okukwenzel­ela kokunye ongase ukudinge.

OKWENZEKA NGALOLU SUKU:

Ngo-1983 kwadlula emhlabeni abantu abangu-19 kwalimala abangaphez­ulu kwekhulu ngesikhath­i umkhonto wesizwe uhlasela ngebhomu epitoli, emgwaqweni uchurch, ngaphandle kwenedbank Square.

Phakathi kosaziwayo abazalwa ngalesi sikhathi sibala ucedric Fourie (osesithomb­eni) ongumlingi­si wakuleli odlala indawo kalehasa Maphosa emdlalweni wethelevis­hini, iskeem Saam esidlala KWISABC1 phakathi nesonto ngo-6:30 kusihlwa. Wazalwa ngo-1989, e-orlando Gardens, esoweto.