Izinkanyezi
ARIES: Mar 21 - Apr 19
ZAMA ukwehlisa umoya uma kungukuthi kukhona okukucasulayo noma ngabe unesizathu esibambekayo sokuba udinwe. Uma kukhona izinkinga obhekene nazo zama ukuzithiba ekwenzeni izinto eziphambene nehlombe ngoba lokho kungakufaka enkingeni.
TAURUS: Apr 20 - May 20
KUNGENZEKA ukuthi izihlobo zakho sezikukhathaze kakhulu futhi usucikekile yizona. Konke lokhu kungadala ukuthi uhlale udumele. Kukhona osondelene nawe ongenalo iqiniso futhi ohlulekayo ukubhekana nomsebenzi wakhe ngakho qaphela ngoba angase enze okuthile okuzokuhlukumeza.
GEMINI: May 21 - Jun 20
KUNZIMA ukuthi ulwe nenkanuko onayo ngisho usuzama ngayo yonke indlela. Lokhu kudala ukuthi kube nzima ukwenza imisebenzi yakho ngendlela ejwayelekile. Kuzofanele uyisukumele ngokushesha inkinga yakho.
CANCER: Jun 21 - Jul 22
UYAKHUTHAZWA ukuthi ubhekane nesimo sakho sempilo. Kubukeka sengathi usuphelelwe wumdlandla kanti lokho kungadala ukuthi uhlale unovalo nokwesaba. Kuzokusiza ukuba uhlehlise ezinye zezinhlelo zakho ezibalulekile kuze kube isimo sakho sempilo sibuyela kwesijwayelekile.
LEO: Jul 23 - Aug 22
UBAQAPHELE abantu abahlala benezimfihlo. Lindela isikhathi esinzima ngoba uzohlangabezana nezinkinga endleleni yakho. Qinisekisa ukuthi uyaqaphela uma ubhekene nezinto ezibalulekile. Ungabavumeli abantu ukuba benze inzuzo ngemibono yakho.
VIRGO: Aug 23 - Sep 22
KUBALULEKILE ukuba uqede uhlelo ophezu kwalo ngaphambi kokuqala okusha. Lokho okushiye kulenga kungadala inkinga ezinhlelweni zakho ezintsha. Uma ufuna ukuphumelela kukho konke okwenzayo, kuzofanele uhlale uqaphele futhi usebenze ngokuzikhandla.
LIBRA: Sep 23 - Oct 22
INTO enhle oyizuzayo ngokungaphumeleli wukuthi uthola ulwazi ngephutha elenzekile. Uyakhunjuzwa ukuthi ungenza kangcono ngokuthatha iphutha lakho ulicwaningisise kulesi sikhathi. Akukho nokuncane okungakuphazamisa endleleni yakho.
SCORPIO: Oct 23 - Nov 21
KUBUKEKA sengathi kukhona ubunzima ozohlangabezana nabo kulesi sikhathi. Qaphela ungazitholi ususenkingeni ngenxa yokusebenzisana nabantu abangenalo iqiniso. Kungakuhle uzame ukuziqhelelanisa nabantu abaningi okwesikhashana njengamanje.
SAGITTARIUS: Nov 22 - Dec 21
QAPHELA abantu abazama ukungena esikhundleni sakho ngoba bazokuwisa futhi badicilele phansi isithunzi nekhono lakho. Kuzomele ungazithambisi futhi ulisukumele ilungelo lakho uyilwele nemibono yakho.
CAPRICORN: Dec 22 - Jan 19
UMA kuwukuthi kukhona okukuhlukumezile emoyeni wakho kusho ukuthi kukhona okushodayo okungaxolisa umphefumulo wakho. Yinkinga enkulu ngakho kuzomele uyisukumele. Uma ubhekene nesikhathi esinzima kungakuhle uzame isixazululo.
AQUARIUS: Jan 20 - Feb 18
KUNEMIGOMO ethile obekelwe yona engakulethela ukukhathazeka nokungaphumeleli. Okungakusiza wukuthi ufunde ukulinda nokubekezela. Uma uhluleka, kungase kuyibhebhethekise inkinga.
PISCES: Feb 19 - Mar 20
USHINTSHO olungenzeka emsebenzini noma isimo esiphuthumayo ekhaya singaphazamisa izinhlelo nebhajethi yakho. Kungenzeka ukuthi ubuzibekele imali ethile eceleni yokubhekana nezinkinga zakho, lokho kungaphazamiseka ngoba kunesimo esizokuphoqa ukuba uyisebenzise imali. Qaphela ungazitholi usuwakwa ngabantu abazitshela ukuthi bahlakaniphile.
OKWENZEKA NGALOLU SUKU:
Ngo-1998 umakhaya Ntini waba ngumdlali wokuqala omnyama wekhilikithi ukuba yingxenye yomdlalo wama 5-day test Cape Town, lapho athatha khona amawikhethi amabili. Phakathi kosaziwayo abazalwa ngalesi sikhathi sibala utats Nkonzo (osesithombeni), ongumethuli wezinhlelo futhi ongusomahlaya wakuleli. Wazalwa emdantsane, e-eastern Cape ngo-1985.