Urhulani ululeka izilomo ezeqiwa ijezi kwidowns
INHLOKO yabaqeqeshi kwimamelodi Sundowns, urhulani Mokwena, igeqe amagula ngokushuba kombango wejezi kuleli qembu okuyiwona owenza bangabonakali abadlali abathembisayo nabasavunywa iminyaka njengoneo Maema nos’phelele Mkhulise.
Kusukela kuqale isizini yedstv Premiership ka-2023/2024 umaema nomkhulise basabonakale imizuzu embalwa enkundleni ekubeni isizini edlule iphele sebengabanye babadlali abakhombisa izimpawu zokukhula kuleli qembu.
Ukweqiwa ijezi bekhona kwalaba badlali kufakazelwa ukuthi bagcine ukubonakala kowenedbank Cup nenb Lamasia ngenyanga edlule nakhona bengena umdlalo usuphakathi.
Ngesikhathi umokwena enaba ngamalungiselelo owabakhaya odlalwe izolo nesupersport United, lo mqeqeshi uthe abalimele ndawo umaema nomkhulise kepha kufanele bakhuphule amasokisi ngoba umbango wesikimu endaweni abayidlalayo ushube kakhulu.
“Kuliqiniso ukuthi kunabadlali abadonsa kanzima ikakhulukazi esiswini ngenxa yokusinda kombango wejezi kulezi zindawo abazidlalayo,” kusho umokwena kwabezindaba.
“Engingakusho ukuthi bangabadlali besundowns okuthenjelwe kubona futhi isikhathi sabo sizofika inqobo nje uma bezokhuphula amasokisi kukona konke abakwenzayo.
“Angingabazi ukuthi bazolithola ithuba, yikhona nje ukuthi laba abanikwe ijezi okwamanje basalisebenzisa kahle,” kuqhuba umokwena.
Phakathi kwabadlali abamise kabi umaema nomkhulise, umokwena ubale ulebohang Maboe, Sipho Mbule nogaston
Sirino njengabalikhuphule kakhulu izinga.
“Ekujuleni kwenhliziyo yami ngiyazi ukuthi ngibadinga bonke abadlali abasemabhukwini esundowns ngakho-ke laba abangadlali manje ngibashumayeza* izwi lokuthi bangadikibali.
“Kusemqoka ukuthi baqhubeke nokusebenza ngokuzikhandla njengoba benza ukuze kuthi mhla kufika usuku lwabo lubafice besesimweni esikahle ukusiza iqembu nokuzama ukulenza elabo ijezi.
“Isundowns yiqembu elithathwa njengelikhulu ngakho-ke nabadlali bayo bayaqonda ukuthi isikimu yinto efika idlule kodwa okusemqoka ukuhlala ukuvivele ukulinqaka ithuba uma livela,” kuphetha umokwena.