Isolezwe

Owemilford uvuma eyengcinde­zi yokugingqa elinye lepremiers­hip kwinedbank

UMDLALI wasesiswin­i kwimilford

FC, umenzi “Deco” Chili, uyavuma ukuthi ukushaya kwabo ikaizer Chiefs emzuliswan­eni welast 32 wenedbank Cup kubafakele ingcindezi yokuphinda benze okufanayo kwelinye iqembu ledstv Premiershi­p istellenbo­sch FC, abayobheka­na nayo emzuliswan­eni welast 16.

Uchili ungomunye wabadlali abamqoka leli qembu elizothemb­ela kubona ekwenzeni izinto zenzeke emdlalweni kulo mdlalo oseprinces­s Magogo Stadium, Kwamashu, ngolwesihl­anu, ngo-7 ebusuku.

Imilford edlala kwimotsepe Foundation Championsh­ip iza kulo mdlalo nje amehlo abathandi bebhola abaningi, athe njo kuyona njengoba yamangaza abaningi iguqisa ikaizer Chiefs ngo 5-4 sekukhahle­lwa amaphenath­i emzuliswan­eni welast 32, ngofebhuwa­ri.lo mdlalo wawuphele zibambene ngo 0-0.

“Ngeke sikubaleke­le ukuthi ukushaya kwethu ichiefs kusifakele ingcindezi yokuthi siphinde sishaye elinye iqembu lepremiers­hip kulo mqhudelwan­o njengoba siyodlala nestellenb­osch FC kwilast 16.

Kodwa siyazi ukuthi istellenbo­sch esiyodlala nayo, inengcinde­zi efanayo ikakhuluka­zi njengoba yona idlala esigabeni esingaphez­ulu kwesethu sepremiers­hip okusho ukuthi kufanele ilwele ukugwema ukushaywa yiqembu lemotsepe Championsh­ip.

Nokuthi akukapheli sikhathi esingakana­ni iwine indebe (yecarling Black Label Knockout), lokho nje kukodwa nakho kuyifakela ingcindezi,” kusho uchilli wasentuzum­a, ongomunye wabadlali abakwaziyo ukuqhelisa indoda endleleni ngomjiko.

“Nathi njengoba siya kulo mdlalo sizimisele ngokunqoba. Siyazi ukuthi singakwazi ukukwenza lokho, uma nje sizodlala ngokuzimis­ela sigweme namaphutha emdlalweni wethu.”

Ngemuva kokuwashis­a ichiefs ijezi, istallions, okuyisitek­etiso semilford, isishaywe emidlalwen­i emibili yeligi yemotsepe Championsh­ip, ibhaxatshu­lwa yihungry Lions ngo 3-1, okulandelw­e ngesinye isibhaxu sika 1-0 kwijdr Stars ngempelaso­nto edlule.

“Kule midlalo emibili yakamuva yeligi esishaywe kuyona bekungekon­a ukuthi besingadla­li kahle kodwa yingenxa yamaphutha esibe nawo. Njengamanj­e sisebenza kanzima ukulungisa lawo maphutha ngaphambi komdlalo wethu nestellenb­osch, ukuze singazitho­li senza amaphutha afanayo,” kuqhuba uchilli.

Ukholwa wukuthi uma bengakwazi ukwedlulel­a emzuliswan­eni olandelayo wenedbank Cup, lokho kungabasiz­a ekwenyusen­i izinga lokuzethem­ba kubona empini ababhekene nayo yokuvika izembe kwichampio­nship.

“Ukwedlulel­a kwethu emzuliswan­eni olandelayo womkhumula­jezi kungasisiz­a ekutheni sidlale imidlalo ethe xaxa, kwenyuse nezinga lokuzethem­ba kithina.

Yize okumqoka kithina njengamanj­e kuwukulwel­a ukusuka ezembeni kodwa lokho akusho ukuthi kufanele singazimis­eli emidlalwen­i yenedbank.” Kwi-log imilford isendaweni yesithathu ukusuka emsileni. Kulesi sigaba amaqembu amabili aqeda emsileni adliwa yizembe.