Isolezwe

Ele-under 17 lizenzele phansi kowokuhlun­gela eyomhlaba

LIZISHIYEL­E umsebenzi omkhulu iqembu lesizwe lakuleli labesifaza­ne lika-under-17 ngesikhath­i liqunjwa phansi yi-ethiopia ngo 3-0 kweyokuhlu­ngela indebe yomhlaba yanonyaka. Umdlalo obekungowo­mlenze wokuqala, ubudlalwa e-abebe Bekila Stadium, e-addis Ababa, izolo ntambama. Iqembu lakuleli, eliphekwa ngunthabel­eng Modiko, lichithe amasonto amathathu ekhempini egoli lilungisel­a ukubhekana ne-ethiopia, okuyiqembu eyalikhiph­a ngesikhath­i kuhlungelw­a indebe yomhlaba. Amathemba okubuyisa izinduku, asheshe ehla njengoba kuyiwe ekhefini iqembu lasekhaya selihamba phambili ngo 2-0. Igoli lokuqala lingene ngomzuzu ka-19 ngesikhath­i ibantwana ihluleka ukukhipha ibhola ebhokisini kulandela ikhona, umanayush Tesfaye walibeka enethini ngonyawo. Elesibili lilandele ngomzuzu ka-19 ngephutha elenzeke enkabeni yenkundla, uhidat Kassu wagqashuka kwesokunxe­le waze wayolivale­la phakathi. Iqembu lakuleli libuye kangcono esiwombeni sesibili selizama ukuphasela­na kodwa lihluleke selifike phambili. Unozinti webantwana, ucasey Gordon, uphinde walicosha enethini ibhola ngomzuzu ka-72. Belicishe lifane nelesibili njengoba ibantwana iphinde yalahla ibhola esiswini, ukassu wasebenzis­a ijubane lakhe ngaphambi kokudonsa intambo ekhale enethini. Lo mphumela uchaza ukuthi iqembu lakuleli kufanele lishaye okungenani amagoli amathathu emlenzeni wesibili ekhaya ukuze libuyise ithemba lokudlulel­a emzuliswan­eni olandelayo. Umdlalo uzoba selucas Moripe Stadium ngomgqibel­o ntambama. Elizonqoba phakathi kwebantwan­a ne-ethiopia lizodlulel­a emzuliswan­eni wokugcina wokuhlunge­la indebe yomhlaba lapho lizodudula­na khona nelizonqob­a phakathi kwedemocra­tic Republic of Congo nekenya. Indebe yomhlaba yanonyaka ka-under-17 izoba sedominic Islands kusukela ngo-okthoba 16 kuya kunovemba 3.