OWETS Galaxy nesilonda sokuhlulwa yizindebe kwipsl
UMDLALI wasemuva nasesiswini kwits Galaxy, umpho Mvelase, uthe yize kwamphatha kabi ukuphunyukwa yindebe yakhe yokuqala njengomdlali kwipremier Soccer League (PSL) ezakhe ziguqiswa yistellenbosch FC kowamanqamu wecarling
Knockout kodwa usanethemba lokugcina eyiphakamisile indebe.
Umvelase (34) oqale ukudlala esigabeni sedstv Premiership ngesizini ka-2014/15 kwichippa
United ayeyijoyine esuka kwi-united FC engasekho, eyayidlala kwifirst Division (Motsepe Foundation Championship), ungomunye wabadlali abasabhekene neshobolo lokungawini indebe ebholeni elikhokhelayo.
Ngesizini ka-2021/2022 esagijima kwimarumo Gallants, baguqiswa yimamelodi Sundowns ngo 2-1 kowamanqamu wenedbank Cup yize engadlalanga kowamanqamu ngenxa yokulimala.
Kube ngesifanayo futhi esegijima kwigalaxy ngenkathi ezakhe ziguqiswa yistellenbosch ngo 5-4 sekukhahlelwa amaphenathi kowamanqamu ecarling Knockout ngodisemba, emoses Mabhida Stadium, ethekwini.
“Kuyisifiso sanoma yimuphi umdlali odlala kwipsl ukuwina indebe neqembu lakhe, nami kanjalo. Ngenkathi sifika kowamanqamu ecarling Knockout nganginethemba elikhulu lokuthi kungenzeka ukuthi sesifikile isikhathi sokuthi ngiwine indebe yami yokuqala kwipsl, futhi ngenhlanhla ngadlala kowamanqamu sibhekene nestellenbosch. Kodwa kwangenzeka njengokufisa kwami, njengoba futhi nawo loya mdlalo sasingawunqoba, sagcina sishaywe kumaphenathi.
Lokho kwangiphatha kabi impela ngoba ngase ngethembile, kodwa-ke kunjalo ebholeni kwesinye isikhathi izinto azenzeki njengesifiso sakho. Nokho ngisenethemba lokuthi ngiyogcina ngiyiwinile nami indebe njengabanye ozakwethu engidlala nabo lapha eqenjini asebeke baziwina izindebe phambilini,” kusho umvelase odabuka edobsonville, esoweto.
Uthe kodwa ngesikwati abanaso kule sizini unethemba lokuthi basengakwazi ukufinyelela komunye futhi umdlalo wamanqamu.
“Sinesikwati esiqinile kule sizini esibhalansile ngabadlali abanesipiliyoni nabasebancane, phezu kokuba silahlekelwe ngabanye abadlali abamqoka, kodwa iqembu lisahlangene futhi ngikholwa wukuthi sisengakwazi ukufinyelela komunye umdlalo wamanqamu womkhumulajezi, futhi siyiwine nendebe.
Kodwa okubalulekile wukuthi uma sibuyela emidlalweni yedstv Premiership silwele ukuqhubeka nomgqigqo esiqede ngawo unyaka ngaphambi kwekhefu le-afcon ngoba inhloso yethu wukuthi siqede isizini sibalwa namaqembu aphezulu kwi-log.”
I-the Rockets okumanje ikhempe eturkey, lapho idlala khona imidlalo yobungani, ivale unyaka ngegiya eliphezulu inqoba imidlalo emibili yepremiership ilandelana ishaye ilamontville
Golden Arrows ngo ngo 2-0 nechippa United ngokwehlukana.
Izobuyela kweyepremiership ngemuva kwekhefu le-africa Cup of Nations ngokubhekana nekaizer Chiefs ngofebhuwari 13, epeter Mokaba Stadium, epolokwane.