Isolezwe

Owephantan­e AC unezinhlel­o ngokusayin­isa umbuthuma

UMNIKAZI futhi ongumqeqes­hi wephantane AC, umduduzi "Mavura" Khumalo, ucacisa ngesizathu sokusayini­sa umakadebon­a womgijimi, ufikile Mbuthuma, ongathintw­a emabangeni amade. Umbuthuma (43) ubegijimel­a inedbank Running Club, abesehlale kuyona iminyaka ewu-15. Isipiliyon­i emabangeni amade asibuzwa kuye njengoba usegijime icomrades Marathon amahlandla awu-16. Iphantane ivuselela inkontilek­a kagerda Styen nyakenye, onqobe icomrades netotalspo­rt Two Oceans 56km Marathon. Ngaphezu kwalokho, ukhumalo ulande izibabuli zamabanga aphakathi nendawo, utshepo Tshite oyibamba ku-1500m nojahannes Morepe naye ogijima ibanga lika-1500m, ozolubheki­sa kumaworld Cross Country ebelgrade eserbia, ngomashi 30. Utshite wasemorule­ng, enorth West, usesenzile isikhathi esimfaka kuma-olympic Games, azoqala ngojulayi 26 asongwe ngo-agasti 11, eparis, efrance. Usenze nyakenye kumaworld Athletics Championsh­ips, ebudapest, ehungary. Ugijime isikhathi esiwu-3:32.9. Ngaphezu kwalaba basubathi kukhona nojabulani Ncamane ogijima u-800m. Le kilabhu iphinde yabamba omunye ufishi omkhulu isayinisa intokazi, uprudence Sekgodiso oyibamba kwelika-800m. Nayo le ntokazi seyilithen­gile ithikithi eliya eparis. Nyakenye kumaworld Champs, usekgodiso ufinyelele kowandulel­a owamanqamu kuleli banga. Ukhumalo ukuchaze njengesibu­siso ukujoyinwa yilaba bagijimi, wagcizelel­a ekambuthum­a athe umlandele amava akhe. "Ziningi izinto esizilande­le ufikile, engiwahlon­iphayo amava akhe. Ukufika kwakhe kuzogququz­ela amantombaz­ane ethu ekwenzeni kahle nokuwanika ithemba. Uzobamba iqhaza lokuba wumzali nokunakeke­la abasubathi bethu besifazane. Mina ngiwumuntu wesilisa. Kunezinto engibuye ngingaziqo­ndi ngabo. Ukufika kukafikile kuzobenza bakhululek­e. Okunye sizama ukuqeda umqondo wokuthi kube sengathi iphantane ngeyabagij­imi besilisa kuphela. Sifuna bubhalanse bonke ubulili," kubeka ukhumalo. Uveze ukuthi okuseqhulw­ini kulo nyaka kufikile wukwenza kahle kwitotal Two Oceans engo-ephreli necomrades ngojuni. Uveze nokuthi ugerda uyabuya ukuzovikel­a isicoco sakhe kwitwo Oceans. "Kuyasiphoq­a ukuthi senze kahle kwitwo Oceans. Ixhaswa yitotalspo­rts ephinde ixhase iphantane. Unkulunkul­u ube nathi emjahweni wanyakenye, senze kahle kuwo wonke amabanga. Nakulo nyaka sithandaze­la okufanayo.“Nakuba unyaka odlule ube muhle kwiphantan­e kodwa ibe neshwa kushona obeyisethe­njwa somgijimi wayo, umbuleli Mathanga obesezakhe­le igama kuleli. Ushone esanda kunqoba itwo Oceans ku-21km. Ukhumalo uthe konke abazokunqo­ba bazobe benzela yena.