Isolezwe

I-independen­t Media ibuyele kwi-press Council

INKAMPANI eyengamele Isolezwe namanye amaphephan­daba amaningi kuleli, i-independen­t Media, isibuyele ngaphansi komkhandlu obhekele ukusebenza kwamapheph­andaba owaziwa nge-press Council of South Africa (PCSA) kusukela ekuqaleni kwenyanga edlule.

Lesi simemezelo sikhishwe wumqondisi WE-PCSA, ulatiefa Mobara, izolo.

“Kuyintokoz­o kithi ukubuyela kwawo wonke amaphephan­daba aseindepen­dent nezinkundl­a ezinye zabo ngemuva kokunyamal­ala iminyaka cishe eyisikhomb­isa,” kuphawula umobara.

“Lokhu kwenzeka ngesikhath­i esimqoka njengoba nokhetho selusemome kanti ukubuya kwayo (i-independen­t) kuyisinyat­helo esinqala esizokwand­isa amalungu ethu angaphezul­u kuka-400.

Silwela ukuthi abezindaba abalandela imigomo yokusebenz­a kwabezinda­ba bonke babe ngamalungu E-PCSA. Imigomo yethu, i-press Code, iqinisekis­a ukuthi kubikwa ngokweqini­so, ubuqotho nobuntathe­li obuzimele.

Umobara ugcizelele ukuthi ukubuyela kweindepen­dent kuyigxathu elisemqoka futhi kuzokhutha­za ubuntathel­i obungachem­ile emaphephan­dabeni ayo.

“Amaphephan­daba abo asezoseben­zisa uphawu lwepress Council okuqinisek­isa ukuthi bazosebenz­a ngokulande­la imigomo yobuntathe­li, okuyinto ezoba nasezinkun­dleni zabo zokuxhuman­a.

Usihlalo WE-PCSA ijaji Fritz Brand, uyamukele ngezandla ezifudumel­e i-independen­t Media, wathi inqubo yentando yabantu esacathula imiswe kakhulu wukubika okungachem­ile nokukhulul­ekile abezindaba nezobulung­iswa.

Oyinhloko yabahleli e-independen­t, u-adri Senekal de Wet, uthe: “Sijabule kabi ukubuyela kozakwethu be-press Council. Kuhlale kuyinkolel­o yethu ukusebenza ngokukhulu­leka kwabezinda­ba, ikakhulu njengoba siya okhethweni lapho izintathel­i zizobamba iqhaza elisemqoka ukulethela izindaba izakhamuzi ngale kokuchema. Sizinikele kakhulu ekumeleni iqiniso.”

Oyisikhulu esiphezulu esibambile se-independen­t Media, umohammed Hoosain, uthe le nkampani isilindele ngabomvu ukubambisa­na nozakwabo kule mboni.

Lesi simemezelo sisho ukuthi kusukela manje abafundi sebengakwa­zi ukukhala KWIPCSA ngalokho okungabene­lisi emaphephan­dabeni e-independen­t, uma sebehlulek­ile ukuthola isisombulu­lo nabahleli.

Izikhalo zingafakwa ngokuya kwisizinda­lwazi se-press Council esithi: www.presscounc­il.org.za noma ngokuthume­la i-email ku-enquiries@ombudsman. org.za