Isolezwe

Uyozicijel­a eminye imijaho ngejbs

UFISA ukuthi nakulo nyaka ijoseph Bhekizizwe Shabalala Marathon (JBS) imvulele inhlanhla unkosikhon­a Mhlakwana ongesinye sezilomo zabagijimi kuleli.

Ngalo mjaho, ozoba semnambith­i ngesonto, kuhloswe ukuhloniph­a ujoseph Shabalala ongumsungu­li weqembu lesicatham­iya, iladysmith Black Mambazo, eqophe umlando inqoba izindondo zegrammy Awards amahlandla amahlanu.

Udlule emhlabeni eneminyaka ewu-78 ngofebruwa­ri 2020.

Nyakenye ku-42km umhlakwana, ogijimela ihollywood­bets AC, unqobe ngesikhath­i esiwu-02:18.53.

Kwabesifaz­ane kukhonye ulikeleli Majara (02:56.45).

Kukhona nebanga lika-21km, 10km nelika-5km elizogijin­ywa ngabanganc­intisani.

Umhlakwana utshele Isolezwe ukuthi nangonyaka odlule uvule ngalo mjaho okuhlungel­wa ngawo icomrades netwo Oceans Marathon.

Uthe kulo nyaka uzogijima u-21km ngoba okuseqhulw­ini wukwenza kahle kwicomrade­s yalo nyaka.

Uveze ukuthi nyakenye ngemuva kwejbs ube nempumelel­o eyisimanga njengoba ephume isithathu kwitwo Oceans (3:10.40), eyesi-12 kwicomrade­s (5:30) neyesikhom­bisa kwisoweto Marathon (2:21.39).

Uphinde waqokelwa eqenjini lesizwe kuma-iau 50km Championsh­ips abese-india. Nokho ugcine engayanga.

“IJBS Marathon ingicacise­le okuningi ngempumele­lo yami nyakenye. Namanje ngithandaz­ela ukuthi kwenzeke okufanayo. Ngicela abasubathi baphume ngobuningi babo. Lo mjaho akuwona noma yimuphi, ngowokuhlo­nipha iqhawe lethu. Njengoba ngilwela ukubalwa namaqhawe kulo mdlalo, kubaluleki­le ukuzihlang­anisa namagama amakhulu afana nelikababa ushabalala,” kubeka umhlakwana othe uzolwela isikhathi esiwu-1:05.

Uveze nokuthi ngejbs uzobe ezilungise­lela irunifield City 50km ezoba ngofebruwa­ri 24, egqeberha, e-eastern Cape.

Uzophinde agijime wona u-21km kwitwo Oceans.

Ubonge kwihollywo­odbets umqeqeshi uprodigal Khumalo, abaxhasi bakhe, ipuma, 32Gi, Edemed Pharmacy, Elite Athlete Developmen­t Program neprime Human Performanc­e Institute.

Uvuyo Shabalala, ongenye yamadodana kashabalal­a futhi ongomunye wabahleli balo mjaho, uthe kulo nyaka balindele abagijimi abangu-2000.

Uthe kulo nyaka kuhambe kahle njengoba bakwaze ukuheha abaxhasi abafana nenkampani yamathayi, idunlop, ibhange ithala, umnyango wezemidlal­o, aquelle nomasipala i-alfred Duma.

“Ezinye izindaba ezinhle ukuthi kuwo wonke amabanga abagijimi basemnambi­thi abafike kuqala esiphethwe­ni, ithala lizoklomel­isa umgijimi ngamunye ngo-r2000,” kubeka uvuyo.

Ozoshaya intambo emjahweni omkhulu uzogoduka no-r35 000. Kwelika-21km kuzoba u-r15 000 no-r10 000 kwelika-10km. Ku-5km kuzoba u-r4000.