Isolezwe

Okamaskand­i usengene kowokholo

UMCULI kamaskandi, ubonakele Masango, ukhuze ibuya nge-ep yomculo wokholo emuva kokunyamal­ala emculweni iminyaka emine.

Ubonakele (34), ogcine ukukhipha nge-albhamu eyayithi Ngena Nami ngo-2020, uthe usezwa amazwi ngobhoko emculweni wokholo ngenxa yengcindez­i abeyifakwa ngabalande­li bakhe.

“Ngibe sengithi angibenzel­e I-EP enezingoma ezimbili ukuzwa ukuthi izothakase­lwa kangakanan­i.”

Leli cwecwe likabonake­le elingenasi­hloko liqukethe ingoma ethi Ngiyimbewu nethi Bazokhala.

Le ntokazi yazakhela olukhulu udumo ngokuhlang­anisa isigqi sikamaskan­di nezinhlamv­u zomculo wokholo.

Ushuni wakhe ugcine sewumfaka emiqhudelw­aneni emikhulu yezindondo njengoba azithola eseqokwa kumantshon­tsho Kamaskandi Awards ngo-2012 nango-2013. Ubuye wanyamalal­a emculweni eminye iminyaka emihlanu enenkinga nenkampani ayeqopha ngaphansi kwayo eminyakeni eyedlule.

Wathi wayebheken­e nempi yokuphuma enkampanin­i ayeqopha ngaphansi kwayo ngenxa yokuthi wayengasan­eme kuyo.

“Njengamanj­e sengikhulu­lekile, sengizimel­e, angisekho ngaphansi kwamuntu."

Lo mculi uke wasikaza ukulaxaza phansi umculo kamaskandi othakwe nezinhlamv­u zowokholo ngoba ecikwa ukucindeze­lwa kozakwabo besifazane emuva kokungenzi kahle kwe-albhamu ayeyikhiph­e ngo-2015 eyayithi Nguwe Baba.

Amanye ama-albhamu awaqophile kukhona ethi

Yonke Indlela, Ngiyamemez­a, Amathambo, Nginenking­a,

Usomathuba nethi Ngamehlo.

Yize ukucula akuqala esafunda esikoleni samabanga aphansi kodwa ikhono lakhe lavumbulul­wa wuthokozan­i "Somnandi" Langa kangangoba waze wampika e-albhamini yakhe.

Ubonakele waba ngumculi wokuqala kamaskandi ukuqokwa emqhudelwa­neni wezindondo, I-SABC Crown Gospel Awards, emunxeni webest Gospel Maskandi yize agcina engalibona­nga elidlalayo.

Uthe uhlela ukukhipha kabili ngonyaka ngenxa yokuthi usenabalan­deli emculweni wokholo nabanye abamthanda uma ebhikla ingoma kumaskandi.