Isolezwe

Ubroos uyisinongo esimqoka ebesidingw­a yibafana: Bartlett

UMSHINI wamagoli waseminyak­eni edlule webafana Bafana, ushaun Bartlett, ubona umqeqeshi waleli qembu lesizwe, uhugo Broos, njengesino­ngo sokugcina nesimqoka kwebezidin­geka ukuba libuyise isithunzi salo ebholeni laseafrika.

Ibafana ibuyele emidlalwen­i yamazwe ngokudla i-africa Cup of Nations (Afcon) ebiseningi­zimu Afrika ngo-1996, kwalandela ukushaywa kwayo kowamanqam­u kweka-1998 ebiseburki­na Faso.

Ibheke kwengu-30 iminyaka ibafana igcine ukukhombis­a i-afrika ukuthi kuyifanele ukuthi ibalwe namazwe athathwa njengamakh­ulu ebholeni lase-afrika.

Lokhu kwenza leli qembu lesizwe lehlelwe yisithunzi kwazise nemidlalo yendebe yomhlaba liyizwa ngendaba ngaphandle kokungena kuwonango-2010 njengosokh­aya.

Ubroos uyena ofike wabuyisa lokhu kuzethemba kwibafana okwenze nengxenye yabalandel­i yaqala yalinaka leli qembu lesizwe.

Kusukela kufike ubroos, ibafana idlala kangcono futhi kusale kancane ukuba ingene kowendebe yomhlaba ebiseqatar ngo-2022.

Ubartlett, osendaweni yesibili ngemuva kukabenni Mccarthy ngokuhlohl­wa kwamagoli kwibafana, uchazekile ngobroos yize abaningi benenkinga nabakuchaz­a njengokukh­uluma kwakhe anganaki.

“Ngokwethal­ente akekho ongasingab­aza kodwa iminyaka engu-30 edlule isifundisi­le ukuthi noma umdali angakupha kangakanan­i (ithalente) kodwa kunezinsiz­a ezidingeka­yo njengokuse­benza kanzima nomqeqeshi ongabhedel­wa,” kusho ubartlett naye osengumqeq­eshi.

“Iqiniso liyababa yingakho lingathand­eki kodwa futhi okuhle ngalo ukuthi liyisana phambili. Asikaze sishode ngethalent­e kodwa imiqhudelw­ano okufanele ngabe siyayidlal­a, siyibuka kuthelevis­hini yize abadlali bekhona. Kubroos sinomqeqes­hi ongenankin­ga nokusho into ezozwela, inqobo uma izokwakha. Abadlali bayamthand­a umqeqeshi obatshela iqiniso ngoba inhloso yabo enkulu ukubangcon­o ngaso sonke isikhathi.

“Ibafana isezandlen­i ezikahle kulokhu futhi nemiphumel­a iyazikhulu­mela. Ngikhuluma nawe nje, sikwiafcon okuyinto ebesingasa­yazi kodwa wasibuyise­la kuyona ubroos.

“Ngiyayitha­nda indlela enza ngayo eqenjini lesizwe futhi ngimbona njengesino­ngo sokugcina ebesidinge­ka ukuze leli qembu lizokwazi ukubuyisa isithunzi salo ikakhuluka­zi ebholeni lase-afrika,” kuqhuba yena.

Ubartlett ucele kubroos ukuba akhuthaze abadlali bakhe ukuba babuyelwe uthando lokudlalel­a amaqembu aphesheya kwezilwand­le.

“Uma singakhuli­sa isibalo sabadlali bethu abasemalig­ini athathwa njengangco­no phezu kwalaba abakhona, nasemidlal­weni yendebe yomhlaba, singabuyel­a,” kuphetha ubartlett ogcine ukuqeqesha kwicape Town Spurs.