Owe-safpu ufuna isukunyelwe ‘eyokuxhashazwa’ kwabadlali
I-SOUTH African Football Players Union (Safpu), ifuna kuqalwe umbuthano, isoccer Indaba, ozolwa namanyundululu enziwa kubadlali ngabanikazi bamaqembu epremier Soccer League (PSL).
Le nyunyana iqhamuke nalesi siphakamiso esithangamini nabezindaba ebichaza kuso ngekubize ngokuxoshwa ngokungekho emthethweni kwabadlali abawu-22 bemoroka Swallows. Umengameli wayo, uthulaganyo Gaoshubelwe, nonobhala jikelele, unhlanhla Shabalala, baveze ukuthi sekungathi kusemthethweni ukungahlonishwa nokugcinwa kwezinkontileka zabadlali BEPSL.
Ushabalala uveze ukuthi sekuphele isikhathi becela IPSL ukuthi ingenelele. Ubuze ukuthi uma kungasukunywa, amanye amaqembu azovinjwa yini ukwenza eseswallows? Laba bobabili baneke amanye amanyundululu enziwa kubadlali.
Kokunye abathe kumele kubhungwe kule mbizo, yindlela yokuhlunga abantu okumele bathenge amaqembu kwipsl. Ushabalala uthe kuhlukumeza abadlali ukuvunyelwa kwanoma ubani ukuba neqembu. Uphakamise nokuthi kumele kubhekwe indlela abaqhubeka nokwenza ngayo imali. Wathi Kumele kube ngabantu abangathembeli kuphela kwisibonelelo sanyangazonke.
"Kule Soccer Indaba kumelwe kusungulwe umthetho ozoqapha indlela okujeziswa ngayo abadlali ngokwehlukana kwamacala. Sike sabhekana necala lapho elinye iqembu ledstv Premiship belihlawulisa abadlali ur10 000 kuya kur15 000 uma bethole ikhadi noma bedlale ngamakhokho abaphathi abakholelwa ekutheni abengekho esimweni. Lo mthetho ukusiphi isigaba kusomqulu WEPSL?“kubuza ushabalala.
Uqhube wathi, kwesinye isikhathi, amaqembu anqaba ukunika abadlali izinkontileka ngemuva kokusayina.
"Kanti yini eyimfihlo kule nkontileka. Angithi umdlali kumele ahlale ezikhumbuza ngayo ngokulindeleke kuye. Lo mkhuba wenza umsebenzi wethu ube lukhuni. Uthola ukuthi umdlali uza kithina ngenxa yokuthi sekuphele isikhathi engaholi. Kumele siqale sicele inkontileka kwipsl. Ithi ifika kube sekuphele izinyanga ezine kuya kwezinhlanu lo mdlali engaholi. Kumele siphinde sihambise kulelo qembu incwadi yezimfuno. Kuyothi uma liphendula siphinde udaba siludlulisele kwipsl DRC. Kucishe kuphele unyaka umdlali elinde ubulungiswa".
Kwelinye icala uthe basanda ukusiza u-aubrey Mngoma owazakhela igama kwi-orlando Pirates, Mamelodi Sundowns, ukusho amaqembu ambalwa. Kumanje akanaqembu.
Belimayelana namaqembu amathathu abengayidonsi imali ye-unemployed Insurance
Funds (UIF). Kodwa kuma-pay slip bekuhlale kubhalwa ukuthi iyabanjwa. Ushabalala uthe lo mdlali ugcine ethole amasenti. Uthe elinye lawo elikawandisile Letlabika weswallows ogcine ezikhokhela izindleko zokuhlinzwa ekubeni elimale edlalela leli qembu.