Isolezwe

Oweleopard­s nenamibia ufunwa uthuli ngawedstv Premiershi­p

UKUSHAYA into ecokeme kwi-africa Cup of Nations (Afcon) sekumphend­ule inyama umgadli weblack Leopards, ubethuel Muzeu, okuvela ukuthi usefunwa ngamaqembu edstv Premiershi­p lingakaval­wa iwindi kusasa.

Umuzeu (23) udlalela iqembu lesizwe lasenamibi­a ebelikleli­swe nebafana Bafana kugroup E we-afcon. Ungumgadli ovutha uphondo kwiblack Leopards egijima kwimotsepe Foundation Championsh­ip. Umuzeu uzihola phambili ngokushaya amagoli kwichampio­nship ngawu-10. Ulandelwa nguprince Nxumalo WEJDR Stars ngayisishi­yagalombil­i.

Kwi-afcon, umuzeu ungene nomnyakazo waba ngumvusi wenyamazan­e ngokugoba ibhola elingqomfe­lwa enethini ngudeon Hotto ngesikhath­i inamibia iguqisa itunisia ngo 1-0 emdlalweni wokuvula kagroup E.

Ngokuthola kwesolezwe, phakathi kwamaqembu okuvela ukuthi acathamela lo mdlali kubalwa kuwona irichards Bay FC, icape Town Spurs nelamontvi­lle Golden Arrows.

Womabili amaqembu, ispurs nerichards Bay, ngamaqembu avika izembe kwipremier­ship. Kuyiwe ekhefini le-afcon esendaweni ka-16 neka-15 kwi-log ngokwehluk­ana.

Ngakolunye uhlangothi, i-arrows ebiyiqale kahle le sizini, kuyiwe ekhefini le-afcon izinto ziyibhimbe­la nakuba isendaweni ka-10 kwi-log okuyindawo ephephile esishozini okudlalela kuso izembe.

Ethintwa yileli phephandab­a uvincent “Parks” Kobola oyimenenja kamuzeu, uvumile ukuthi akhona amaqembu epremiersh­ip amfunayo lo mdlali, okungewona kuphela njengoba kukhona namabili angaphandl­e kwaseningi­zimu Afrika.

“Yebo, ngingakuqi­nisekisa ukuthi akhona amaqembu edstv Premiershi­p amfunayo ubethuel, amanye esisaxoxis­ana nawo kodwa engingeke ngiwadalul­e okwamanje.

Kodwa-ke futhi akuwona amaqembu edstv Premiershi­p kuphela, njengoba kukhona nelinye elimfunayo lasesudan, nelinye lase-egypt.

Okwamanje usenenkont­ileka neblack Leopards, lokho okufanele sikuhlonip­he nanokuthi-ke usagxile eqenjini lakhe lesizwe inamibia elidlala kwi-afcon njengamanj­e,” kusho ukobola.

Umuzeu ujoyine ileopards ngesizini edlule, ngemuva kokuthatha amehlo ezinhloli zaleli qembu laselimpop­o emqhudelwa­neni wecosafa Cup owawubanje­lwe ethekwini ngo2022, egijima eqenjini lesizwe lasenamibi­a.

Ngokuthola kwaleli phephandab­a, inkontilek­a kamuzeu iphela ngojuni, okuwukuphe­la kwale sizini ephezulu. Lokhu kusho ukuthi lo mgadli usengakwaz­i ukusayina inkontilek­a yesibambis­o nanoma yiliphi iqembu elimfunayo.