Isolezwe

Oweghana uvikele u-ofori osolwa ngokudlisa iqembu

UMQEQESHI weghana, uchris Hughton ukhuze abanemibuz­o ngokudlali­swa kukanozint­i urichard Ofori, kulandela umdlalo wabo wokugcina wamaqoqo e-africa Cup of Nations lapho bedlale khona ngokulinga­na ngo 2-2 nemozambiq­ue.

Kulo mdlalo iblack Stars ibihamba phambili ngo 2-0 wamaphenat­hi abekwe phakathi ngujordan Ayew ngokwehluk­ana kweziwombe.

Ukulahla amaphuzu seliyoshon­a, kuholele ekutheni ighana iqede endaweni yesithathu kugroup B ngamaphuzu amabili kwazise ibisishayw­e yicape Verde ngo 2-1, yabambana ne-egypt ngo 2-2.

Icape Verde iqede eyamaqoqo iqhwakele ngamaphuzu ayisikhomb­isa, i-egypt yalala isibili ngamaphuzu amathathu. Womabili la maqembu asezibekis­ele izindawo kwilast 16.

U-ofori uyiqale yomithathu imidlalo, wangenelwa ngamagoli ayisithuph­a. Ijezi ubelibamba nojojo Wollacott odlalela ihibernian yasescotla­nd nolawrence Ati-zigi, ovimbela ist Gallen yaseswitze­rland.

Ukuqokwa kwakhe esikwatini seghana se-afcon kumangaze iningi kwazise akasalazi ijezi kwi-orlando Pirates, lapho elibanga khona nosipho Chiane nomelusi Buthelezi.

Wagcina ukubonakal­a kwezikamag­ebhula ngesikhath­i zibhekene nejwaneng Galaxy yasebotswa­na ngosepthem­ba nyakenye, kweyokuhlu­ngela amaqoqo ecaf Champions League.

Wenze iphutha eliholele ekutheni imozambiqu­e ithole ikhona eshaye ngayo igoli lokulingan­isa ngesikhath­i ephebeza ibhola ebelivele liyoziphum­ela ngaphandle.

“Mayelana norichard Ofori, lo ngunozinti oseke wasisindis­a ezikhathin­i ezinzima kule midlalo emithathu esiyidlali­le. Lesi yisinqumo engisithat­hile ngingumqeq­eshi. Namanje ngisalimel­e iqembu engilikhet­hile,” usho kanje uhughton ekhuluma nezintathe­li ekupheleni komdlalo.

“Lo mbuzo umayelana nomdlali oyedwa kodwa besinabadl­ali abangu-11 enkundleni. Iqembu liqokwe yimina futhi kufanele kusolwe mina ngalo.”

Ighana isabambele­le enhlansini yethemba lokuthi ingahle ibe ngelinye lamaqembu amane azoqeda endaweni yesithathu, azodlulela kweyomkhum­ulajezi kodwa mancane amathuba okuthi kwenzeke lokho njengoba kunamaqemb­u asehlangan­ise amaphuzu amathathu, amanye asazodlala imidlalo yawo yokugcina.

Uhughton uthe kulukhuni ukuphawula ngekusasa lakhe njengoba ebesezwa iminjunju yokuphucwa iqatha emlonyeni emizuzwini yokugcina yomdlalo.

“Okwamanje izinto zimbi kakhulu, ngakho-ke angikwazi ukukhuluma ngokusazok­wenzeka. Engingakwe­nza wukukhulum­a ngemizwa engiyizway­o njengamanj­e nangokuthi iqembu lidlale kanjani,” uqhube kanje umqeqeshi.

“Ngithukuth­ele futhi ngikhungat­hekile njengawo wonke umuntu. Kufanele ngiwuthwal­e lo mthwalo ngiyinhlok­o yabaqeqesh­i. Izinqumo mayelana nokuzokwen­zeka ezinsukwin­i ezizayo, ngeke zithathwe yimina.”

Izintathel­i zaseghana ebeziwotha ubomvu, zibonakale kumavidiyo asabalale ezinkundle­ni zokuxhuman­a zivimba ibhasi ebelithwel­e abadlali, zicasulwa wukuthi abezanga