GIPEKE ANG KAMATAYON ALANG SA INSURANCE
Nagpaka-aron ingon siya nga iyang kapuyo kining usa ka tag-iya og gym kinsa nipeke sa iyang kamatayon aron makakuha og insurance.
Halos moabot ngadto sa 500 mil dolyares o kapin sa P19 milyones ang nakuha sa maong babaye sa iyang gihimo.
Arestado si Karen Salkilld, 42, niadtong Marso human siya ni-file og insurance claim gamit ang pangan sa iyang
partner, ug nangangkon nga siya namatay sa car accident didto sa Broome, Australia.
Lakip sa pangangkon mao ang mga gidoktor nga mga dokumento sama sa death certificate, suwat gikan sa Coroner’s Court of Western Australia delegate, record sa imbestigasyon kamatayon, tanan peke.
Human niya mahatag ang mga pekeng dokumento, gibayran siya sa insurance
company og $477,520.26 (halos P19 milyones) sa bank account nga iyang gihimo gamit ang pangan sa iyang partner.
Base sa taho sa New York Post nga way kalabutan iyang
partner sa nahitabo. Didto na nasakpan ang iyang gihimo human nabantayan sa banko ang kadudahang account maong kini gi-flag ug gifroze tanan sa iyang account.
Aron magamit ang pondo, nagpatabang siya sa Palmyra Police Station uban sa nagkadaiyang ID nga gi-certify sa usa ka opisyal sa tuyo nga ma-access iyang account apan napakyas kini.
“Why did you fake your own death?” pangutana sa usa reporter sa Nine News ngadto niya sa parking area didto sa Perth.
“What the hell? Who are you guys? I’m not talking to you guys.” matod ni Salkilld kinsa klaro kaayong nakurat.
“How did you think you could get away with it? You’re charged with serious fraud offenses,” dugang sa reporter. Nag-atubang na’g kaso nga fraud si Salkilld lakip na niini
ang intent to fraud.
Niangkon siya nga guilty niini ug gikatakdang sentensiyahan siya sa korte sunod buwan.
Tungod sa iyang gibuhat, posible siyang mapriso hangtod pito ka tuig.