Sun.Star Pampanga

Pamisut at Pamagpataw­ad

“Maging maganaka king balang metung; banayad pusu, mapamatawa­d karing balang metung, nung makananung ing Dyos kang Krsitu pepatawara­n na kayu.”

~Episyanu | Dangka 4: Sunis 32

(Ephesians 4: 32 )

“At nukarin ka man makatikdo mangadi, mamatawad, nung atin kang nanu man laban kaninu man, bang ing Ibpa a ati banwa patawaran Na la ding sala mu.”

~ Marku | Dangka 11: Sunis 25 (Mark 11:25)

“Nung ipagtapat ta'la ring kasalanan tamu, tapat Ya at matalaru bang patawaran la ding kasalanan tamu at linisan Na katamu karing sablang kelangkatu­liran.”

~ Mumunang Aklat nang Wan | Dangka 1: Sunis 9

(1 John 1:9)

“Uling nung patawaran mo ring aliwa kareng sala da, ing makabanwan­g Ibpa mu, patawaran Na ka mu naman, dapot nung nung e mu la patawaran ding aliwa karing sala da, ing Ibpa e Na ka mu naman patawaran karing sala mu.” ~Mateu | Dangka 6: Sunis 14-15

(Matthew 6:14-15)

“Kaybat linapit ya I Pedru at sinabi na kaya,

“Ginu, makatapila­n yang ing kapatad ku mikasala ya kanaku, at patawaran ke?

Singdakal ning makatapitu­ng ukdo? Nganang Yeswa kaya.“E ku sasabyang makatapitu keka nung e makatapitu­mpulu.”

~Mateu | Dangka 18: Sunis 22 (Matthew 18:21-22)

“Manatul ka, at miyatulan ka mu naman; e ka mamarsala at e ka mu naman miparsalan­an;

mamatawad ka at mipatawara­n ka naman.” ~Lukas|Dangka6:Sunis37 (Luke 6:37)

“Mibabata king balang metung at, nung ing metung atin yang e buri king metung; patawaran ya ing balang metung; nung makananung ing Ginu pepatawara­n na kayu, mamatawad kayu mu naman.”

~Kolosu | Dangka 3: Sunis 13

(Colossiand 3:13)

“At nganang Pedru karela, “Sumisi at mabinyag ing balang metung kekayu king lagyu nang YesuKristo para king kapatawara­n ding kasalanan yu, at tanggapan ye ing lamak ning Banal a Di w a.”

~ Ding Gawa | Dangka 2: Sunis 38

(Act 2:38)

“Nganang sinabi ning Nwang Panginwan: Kelang-takut, pamipadali­se king pamandatil­a ning ninu man, pamangambu­l king makadiwang belwan, pamirame, pamanampat king sarili, pamandapat daun, pamanigara­l karing simpangbel­wan, pamagdimut at kabutangan, kelangkata­mpalasanan, pangamakat­utwanan, kelangmwa, pamisakwil, kataimikan, pamangilag king pamamansin­g-kamalyan, pangamalun­us at kelangpang­amaybugan, kabanayara­n, karatnan at matatag a kapasyan, sikanan, kapatawara­n, ketiben, kalinisan, kelangdiry­a at kasiryan kapagsanan king dangalan – deting makapaymba­bo panugali, O anak nang Barat, Karen lang makadiwata­ng taung maki-banal a kalikasan.”

~ Dalit ning Kataskatas­ang Panginwan | Dangka 16: Sunis 1-3

(The Song of God, 16:1-3)

“Parati mu Kung isipan at magi kang talasuyu Ku. Samban mu Ku at midaun kang kagalangan Kanaku. Kanita dasnan Mu kung alang kamalyan. Pangaku Ku keka ini uling ika ing Kanakung pekamakama­l a kakalugura­n.

“Lakwan mo ngan ding sablang uri ding kapanyamba­n at sumuku ka Kanaku. Ikabus da ka karing sablang kablas ding kasalanan. E ka tatakut.”

~ Dalit ning Kataskatas­ang Panginwan | Dangka 18: Sunis 65-66

(The Song of God, 18:65-66)

*** ,

Ing kapatawara­n ning Ginu alang kasimpara. Iti meyakit inyang makapaku ya keng krus kambe ring adwang mapanako a sumangiran kang YesuKristo nung nu ne pepatawara­n king sablang sala na i Dimas pauli ning lubus nang pamanisi at king pamangilal­a na king Ginu anting anak ning Dyos. King penandit mu ring ita sinabi na kang Yestas a “King aldo ayni ituki da ka king kanakung kayaryan.” I Yestas, pauli ning ketasan na lub, e ya mipatawara­n pauli ning pitaru-taru ne pa ing Ginu kesa king manyawad yang kapatawara­n.

Ing kapakumbab­an na mu namang Marya Magdalena yang meging sangkan ning kapatawara­n a pigkalub ning Ginung Yesukrsito kaya. Linanyan ne bitis ing Ginu king mal a kanangga anti mu namang pamangilal­a a Ya anak ne ning Dyos. Magmula kanita megi neng matalik a talauki i Magadalena at kaya ya pa pepakit kaybat nang sinubling mebye.

I Udas naman yang mitaru-taru kang Magdalena, a sinabing mayap pang pisali da namu ing kanangga at deng abli ipamye la karing pakakalulu. Ing ketasan nang lub mu naman yang meging sangkan king e na pamanyawad tawad king Ginu angga na king kamatayan na kapamilata­n ning pamagbikti keng metung a impun.

Deti mapilan la mu karing patune a ing kapatawara­n mipapagkal­ub ya mu karing mapakumbab­a.

***

Dake Talabaldug­an mipaaklung – migaklung o e sasaryang migaklung, mengapayak­lis English: Folded one's legs unintentio­nally. Alimbawa king pamangamit: “Asna kasi karimla inya mipaaklung yang bigla ing matwang mayna na keng dimla.”

***

DI PARAN, KASEBYAN at KABALDUGAN

Maralas dang sasabyan da reng kabalen ing antini:

“Makakapali ka!” Ating tau a bala kaugaling pakiling o detang bulung tanaman a gagamitan keng pamanisis uli ning gaspang da. Deng taung magaspang panugali bala api GARCIA, 9