Fiji Sun

Veivakauqe­ti Nodra Sasaga na Marama

Na duavata kei na nodra lomani ka vakaliuci na marama e na nodra loma ni vale, e sa i wewe ni gusudra voli na marama ni Nakorolevu, Namara, mai na yasana ko Tailevu. Na veivakamen­emenei e tekivu sara tiko ga mai vei ira na turaga kei na dui watidra.

Oqo e sala muria na nodra sa maqusa tiko na marama lewe ni soqosoqo ni Nakorolevu Mother’s Club e na vuli cakacaka ni liga me vaka na culacula, caka taube, sau, kesakesa, cula vinivo kei na tali ibe. Era vakayagata­ka sara ga na veika e tu wavoliti ira.

E ra tekivu e na sasaga oqo ni oti e dua na vuli macawa dua ka vakayacori mai Nausori ena vula sa oti. E rau veituberi ena vuli oqo na i soqosoqo na Women in Fisheries Network (WIFN) kei na Tabacakaca­ka

ni Marama kei na Gone vei ira e 30 marama mai na ono na koro e na tikina ko Namara. E vakavinavi­nakataki ira na turaga nai i liuliu ni soqosoqo ko Tavaita Salavou e na nodra veitokoni. “E kunekune yaloka ni dilio e na noda veikoro vakaviti ni da raici ira na turaga me ra vakariri kakana e vale se savasava,” kuria ko Salavou.

“Ena koro ko Nakorolevu, ko ira na turaga wati keimami e ra sa vakarota me ra sasamaki, vakasaqa, savasava, qaravi ira na gone e na siga ni neimami vuli vakamacawa me rawa ni keimami qarava na neimami cakacaka ni soqosoqo.

“Oqo baleta ni ra sa raica ni sa akavotukan­a na vua ni neimami sasaga ka sa vukei ira vakalevu e na veivakani e vale.”

E na Tusiti sa dromu, e ra veisisivi vaka i tokatoka e na vakaraitak­i cakacaka ni liga me vaka na vinivo kei na jaba, sulu kesakesa, sulu

vakatoga, latilati ni vale, ibe, i butubutu, taube kei na sau, kei na so tale na cakacaka ni liga.

“Oqo e kena i sevu e na neitou koro. E ra vulagi dokai na neimami turaga, ra qaravi keimami, ka ra qai tau soli me veivuke e na voli ni i yaya ni soqosoqo.

“Era sa vakatura tale ga me dua

tale na vakaraitak­i cakacaka ni liga vaka i tokatoka e na vula ko Julai. Oqo me oka kina e dua na veisivisiv­i vakaraitak­i ibe. E na vakabulabu­lataka tale ga na nodra vakavulici ko ira na neimami itabagone, vakabibi ko ira na luvei keimami yalewa e na tali ibe.

“Me na yacova na vula ko Julai, keimami na vakayacora tale ga e so na vuli lalai ni veivakator­ocaketaki me vukei keimami. Keimami veisureti tale ga vei ira na veitabana dau vukei keimami na marama me ra mai soli vuli ni veivakarar­amataki kei na veivakator­ocaketaki.”