Fiji Sun

Veivakator­oicaketaki Nai Tabagone

Era sa tekivu veivakator­oicaketaki ka cakacakava­ta nai tabagone mai na koro ko Karoko, Tunuloa mai Cakaudrove ni’ra sa lewena na ‘Job For Nature’. Era tekivu lewena na Job for Nature ena na yabaki sa oti, ena gauna e sa vakadonui na nodra vola kerekere. Na Job for Nature e dua na porokaramu ka cicivaka tiko na Minisitiri ni Ilavo, ka vakailavot­aka tiko na World Bank.

E dau solia tiko na World Bank e $20,000 dua na isoqosoqo, ia e na nodratou koro e va na mata isoqosoqo ka curu kece na nodra ivola kerekere. Oqo e wili kina e rua na isoqosoqo ni marama ka rua talega na isoqosoqo ni tabagone.

Na imatai ni wasewase ni ilavo e dau vakagolei tiko ga vei ira na itabagone oqo e na kena teivaka na kakana draudrau, samaki na ivakata ni koro ko ira na marama e ra vakaitavi e na kena kau laivi na benu kei na co tivativa ka oqo e dua talega na porokaramu e ra vakayacora tiko.

E vakaraitak­a ko Josefa Matagasau na ivukevuke ni peresitedi ni soqosoqo ni Tabagone nodra soqosoqo e sa cici makawa tiko mai ka qai mai vakamatani­tutaki tiko ga e na vula ko Maji ni yabaki sa oti E kaya ni sega ni rawa ni bula na isoqosoqo ke ra sega ni ra cakacaka vata na lewena.

E vakaraitak­a ni Job for Nature e dau soli tiko vakatolu na kena ilavo ena dua na yabaki. Na ikatolu ni lavo e ra a ciqoma, a nanuma kina o Josefa me veitalanoa vata kei ira e nakoro ke rawa ni ra vakayacora e dua na ka me rawa ni walia kina e so na leqa e ra dau sotava e na veisiga ka vakabibi na nodra bula na qase.

Ni dau tau na uca e ra vakila saraga vakalevu na lewe ni koro na soso ni vanua, ka dau vakaleqa na nodra veilakoyak­i.

A mani vakayacori na veitalanoa kei ira na lewe ni koro ka’ra sa duavata kina me sa caka na nodra sala simede. E kaya ni rauta e $16,000 na levu ni ilavo era vakayagata­ka ena kena caka na sala simede.

E 70 taucoko nai wiliwili ni vuvale ena koro o Karoko. E ra lewe 50 vakacaca na itabagone e ra lewena tiko na isoqosoqo, ka lewe 30 era vakaitavi tiko e na kena qaravi na caka sala simede.

Oqo e sai katolu ni macawa na kena caka tiko na salasimede, ka na taura tiko e rua na vula na kena dede.

Na soqosoqo ni itabagone o Karoko, a qai vakamatani­tutaki ena vula ko Maji ni yabaki sa oti. Oqo e solia tale vei ira na itabagone e dua na rai vou kei na bolebole ka vakararama­taki ira vakauasivi e na kena sagai me caka e so na cakacaka e na loma ni koro.

E tomana ni itabagone e cici tiko mai e liu e sega soti ni levu na veika era vakayacora me vaka ga ni ra tu e na koro vakaviti ka levu ga e ra veiqaravi e na soqo ni lotu ka sega soti ni ra vakayacora e dua na ka e na loma ni koro.

E ra kalougata talega