Час выбраў нас!
У Мінску ў Палацы Рэспублікі 24, 25 красавіка прайшло першае пасяджэнне VII Усебеларускага народнага сходу. У гісторыі суверэннай Беларусі гэта мерапрыемства сёмае па ліку, але сёлета яно ўпершыню праходзіць у новым, канстытуцыйным, статусе, а таму з'яўляецца асабліва знакавым. Згодна са змяненнямі і дапаўненнямі ў Асноўны Закон краіны, прынятымі ў лютым 2022-га года на рэспубліканскім рэферэндуме, УНС набыў статус найвышэйшага прадстаўнічага органа народаўладдзя Рэспублікі Беларусь, які вызначае стратэгічныя кірункі развіцця грамадства і дзяржавы, забяспечвае непахіснасць канстытуцыйнага ладу, пераемнасць пакаленняў і грамадзянскую згоду.
Вырашыць найбольш вострыя пытанні ў развіцці дзяржавы – даўняя традыцыя, якая спрадвеку існавала на беларускіх землях. У 1996 годзе традыцыя аформілася ва Усебеларускі народны сход. і, як паказвае час, усё, сказанае Кіраўніком дзяржавы амаль тры дзесяцігоддзі таму, спраўдзілася і было рэалізавана – сёння мы жывём пад мірным небам, у дастатку, маем магчымасць спакойна працаваць і выхоўваць дзяцей. Суверэнная Беларусь не толькі выстаяла – яна адужэла, расквітнела, прымножыла свае багацці.
Каб вырашыць далейшы шлях, найважнейшыя пытанні, якія датычацца яе развіцця, у Палацы Рэспублікі ў Мінску, куды таксама запрошаны 700 гасцей, сабралася амаль 1200 дэлегатаў УНС, якія прадстаўляюць усе рэгіёны і сацыяльныя групы Беларусі, высокую ўладу і мясцовае самакіраванне, грамадзянскую супольнасць. Менавіта ў іх руках – будучыня дзяржавы і народа, бо рашэнні, якія яны прымуць, ніхто не можа аспрэчыць або адмяніць. Рэспубліка Беларусь каторы раз даказвае ўсяму свету, што яна – моцная дзяржава, якая ідзе па ўласным шляху развіцця і сапраўднага народаўладдзя. сходу, будзеце выбіраць суддзяў Канстытуцыйнага і Вярхоўнага судоў, членаў Цэнтральнай выбарчай камісіі. Вам дадзена права аператыўна сабрацца і прыняць рашэнне аб увядзенні надзвычайнага або ваеннага становішча. Дай бог, каб не было нагоды, але місія больш чым адказная. і нават прызнанне легітымнасці выбараў у вашых руках.
Сход стане ахоўным буферам ад магчымых небяспечных працэсаў, якія ідуць уразрэз з інтарэсамі грамадства і дзяржавы.
Дэлегаты – гэта і ёсць голас народа, калектыўны розум яго. Вы не проста ўсеагульны сход. Вы – нацыянальнае сумленне, вы, паўтару, голас народа. У вас няма права на памылку. Вы маеце права толькі на вернасць і адданасць сваёй краіне і нашаму народу. Ваша місія – служэнне ў імя будучыні Беларусі. Вельмі сімвалічна, што сваю работу Усебеларускі народны сход пачынае з абмеркавання і прыняцця найважнейшых дакументаў, якія забяспечваюць нацыянальную бяспеку.
Беларусь – кампактная краіна. Беларусы – вельмі міралюбівы народ па сваёй прыродзе, які валодае запасам магутнай жыццёвай энергіі. Рэсурс унікальны, які ў розныя перыяды гісторыі дапамагаў выжыць беларускаму народу. Мы ведаем, што значыць быць моцнымі ў імя міру. Гэта наша памяць, гэта наш гістарычны досвед, які каштаваў нам вельмі дорага.