Skema, mbi 770 mijë kontribuues në skemën e sigurimeve shoqërore
Gonxhja: Janë trajtuar me pagesa përfitimi 829,999 pensionistë të të gjitha kategorive gjatë periudhës janar- korrik 2024
“Gjatë periudhës janar- korrik 2024 janë trajtuar me pagesa përfitimi 829,999 pensionistë të të gjitha kategorive që trajtohen nga Instituti i Sigurimeve Shoqërore. Zbatimi i reformës së pagave, dha efekte të ndjeshme edhe në numrin e kontribuuesve në skemën e sigurimeve shoqërore, të cilët për periudhën janar– korrik 2024 rezultuan në total në 772,636”, - shkruan Gonxhja.
Gjatë periudhës janar- korrik 2024 janë trajtuar me pagesa përfitimi 829 999 pensionistë të të gjitha kategorive që trajtohen nga Instituti i Sigurimeve Shoqërore, me një rritje prej 2.4 %.
Ministri i Ekonomisë, Kulturës dhe Inovacionit, Blendi Gonxhja në një postim në rrjetet sociale u shpreh se zbatimi i reformës së pagave dha efekte të ndjeshme edhe në numrin e kontribuuesve në skemën e sigurimeve shoqërore.
Sipas tij, për periudhën janar- korrik 2024 numri i kontribuuesve në skemën e sigurimeve shoqërore rezultoi në total 772636. “Gjatë periudhës janar- korrik 2024 janë trajtuar me pagesa përfitimi 829,999 pensionistë të të gjitha kategorive që trajtohen nga Instituti i Sigurimeve Shoqërore. Zbatimi i reformës së pagave, dha efekte të ndjeshme edhe në numrin e kontribuuesve në skemën e sigurimeve shoqërore, të cilët për periudhën janar– korrik 2024 rezultuan në total në 772,636”, - shkruan Gonxhja. Referuar statistikave të publikuara së fundmi nga Ministria e Financave, të ardhurat e mbledhura nga kontributet për sigurimet shoqërore dhe shëndetësore të administruara nga DPT u realizuan në masën 92 miliardë lekë, 9.6 miliardë lekë ose 11.6% më shumë se 7- mujori 2023, si dhe realizim 101.1% të planit për 7- mujorin 2024. Nga ana tjetër, sipas të dhënave zyrtare nga Instituti i Sigurimeve shoqërore, në qershor 2024 skema financon edhe 65.071 pensione suplementare me një rritje prej 644 të tilla në raport me dhjetor 2023. Në këtë kategori përfshihen përfitimet për sigurimin suplementar shtetëror, sigurim suplementar i ushtarakëve, trajtim i veçantë i punonjësve të nëntokës, trajtim i veçantë për pilotë fluturues në pension, statusi “dëshmor i atdheut”, trajtim i veçantë për punonjësit e industrisë ushtarake dhe i detarëve të nëndetëseve në pension, statusi “profesor, “naftëtar”, “metalurg” si dhe statusi “fëmijë në përkujdesje të shtetit”. Po ashtu mbulohen shpenzimet edhe për 3854 pensione të tjera ku përfshihen pensione të posaçme shtetërore, veteranë dhe invalidë të luftës, invalidë të punës që marrin rimbursim karburanti si dhe pensione sociale. Nga të gjitha këto skema, totali i përfituesve në fund të qershorit 2024 rezulton 796.563 me një rritje prej 7136 përfitues në raport me Dhjetorin 2024. Referuar treguesve fiskale të Ministrisë së Financave, shpenzimet e buxhetit të shtetit për sigurime shoqërore në fund të korrikut 2024 janë 99.7 miliardë lekë, duke regjistruar rritje me 6.7 miliardë lekë në raport me të njëjtën periudhë të një viti më parë.
RRITJA E NUMRIT TË PENSIONEVE
Rritja e numrit të pensioneve të pleqërisë u përshpejtua në vitin 2023, me ritmet më të larta të gjashtë viteve të fundit. Sipas të dhënave të Institutit të Sigurimeve Shoqërore ( ISSH) 590,649 persona morën pension pleqërie në vitin 2023, me rritje vjetore 3,1%. Stoku i pensionistëve u zgjerua me rreth 17 mijë vitin e kaluar, një numër më i lartë pasi mesatarja vjetore, që nga 2010 me shtesë 15 mijë në vit. Rritja e pagës minimale dhe pagave në tërësi në sektorin publik dhe atë privat kanë ndikuar pozitivisht të ardhurat nga kontributet. Të ardhurat nga sigurimet shoqërore nga kontributet e personave juridikë dhe fizikë vitin e kaluar arritën në 121,4 miliardë lekë ose 17.7% më shumë se në vitin 2022. Rritja e të ardhurave dhe frenimi i shpenzimeve bënë që subvencioni i buxhetit për skemën e sigurimeve të zbresë në 14,6 miliardë lekë në vitin 2023, nga 23 miliardë lekë që ishte në vitin 2022. Buxheti i shtetit subvencionon shpenzimet e skemës publike të pensioneve që nuk mbulohen nga sigurimet. Por duke qenë se pensionet e reja po dalin më të ulëta se pensioni mesatar në vend subvencionet e buxhetit për skemën e pensioneve po ulen. Por teksa buxheti i shtetit ka ulur ekspozimin nga deficiti i skemës se sigurimeve, pensionistët nga ana tjetër vit pas viti marrin pagesa më të ulëta teksa kostot e jetesës po rriten. Kontribuuesit dhe përfituesit u rritën me ritme të ngjashme në vitin 2023, duke bërë që për çdo pensionist të ketë 1.17 kontribuues një nivel i njëjtë me vitin 2022. Zhvillimet demografike dhe emigracioni i lartë i të rinjve e kanë zhbalancuar raportet kontribuues- përfitues. Sipas të dhënave zyrtare nga INSTAT dhe Institutit të Sigurimeve Shoqërore në vitin 1990, vendi numëronte një popullsi më shumë se 3.2 milionë banorë, teksa paguanin sigurime rreth 1.4 milionë persona. Në vitin 2023 paguan sigurime vetëm 827 mijë persona teksa numri i përgjithshëm i popullsisë ishte rreth 2,7 milionë banorë. Qeveria shqiptare dhe konsulentët e huaj si Banka Botërore kanë nisur punën për rishikimin e reformës së pensioneve, e cila hyri në fuqi në vitin 2014, me qëllim korrigjimin e disa masave që kanë rezultuar të padobishme gjatë zbatimit të saj.