Festa e birrës, atmosferë e zjarrtë dhe plot surpriza edhe në natën e tretë
Turistë nga Franca, Sllovakia, Maqedonia, SHBA e Gjermania i bashkohen festimeve, duke shijuar kuzhinën tradicionale e shijen e birrës së parë shqiptare
Edhe nata e tretë e festës së birrës në Korçë, sikurse dy të parat ofroi magjinë festive me shumë surpriza për pjesëmarrësit nën shoqërinë e birrës me të njëjtin emër.
Fillimi i një fundjave të gjatë që premton shumë. Një atmosferë e zjarrtë pritet në dy qendrat kryesore ku zhvillohen festimet, “Shtëpia e Birra Korça” dhe Terminali. Këngëtarët të mirë të muzikës shqiptare si Luiz Ejlli, Fifi, Xhesika Polo ndezën atmosferën për disa orë të mira, ndërsa nën ritmet e Niko DJ mijëra pjesëmarrës shijuan ushqimin dhe “Birrën Korça” me të gjithë formatet e saj. Ndërsa ditën e sotme skena do të ndizet nga këngëtarët Alban Skënderaj, këngëtarja greke Elefteria Eleftheriou dhe grupi Orchestra. Ajo çka e ka bërë të veçantë këtë edicion të festës së birrës ka qenë “GOLD by Korça”, prezantuar që në natën e parë, e cila është preferuar dhe përqafuar së tepërmi nga të gjithë pjesëmarrësit. Me një përzierje të kujdesshme të përbërësve më të mirë dhe një proces prodhimi të rafinuar, “GOLD by Korça” sjell një aromë të pasur dhe një shije të rafinuar që e bën çdo gllënjkë të paharrueshme. Ky produkt i ri është frymëzuar nga tradita dhe pasioni për cilësi, duke e bërë atë zgjedhjen perfekte për ata që kërkojnë diçka të veçantë në çdo moment. Të gjithë pjesëmarrësit janë të mendimit që me “GOLD by Korça” arti i birrës shijohet në një nivel të ri.
“GOLD BY KORÇA”
Korça është një nga qytetet që ka mbledhur shumë turistë të huaj ku nuk mungojnë ata nga Franca, Sllovakia, Maqedonia e Veriut, SHBA, Gjermania, që natyrisht kanë vendosur t’i bashkohen festimeve në Festën e Birrës dhe të shijojnë jo vetëm gatimet tradicionale, por edhe birrën e parë shqiptare, “Birrën Korça” dhe natyrisht shijen më të re, atë “Gold By Korça”. Ashtu si edhe dy netët e para të këtij evenimenti, më i rëndësishmi i organizuar në Korçë përgjatë muajve të verës, në qytet kanë zbarkuar një numër i lartë turistësh vendas dhe të huaj, që janë mrekulluar nga shija e “Birrës Korça”, veçanërisht nga “Gold By Korça”, shija më e re. E organizuar për të tetëmbëdhjetin vit radhazi, kjo festë ka treguar që “Birra Korça” mbetet e preferuara. E shpërndarë në 14 stenda, birra Korça do të ofrojë për konsumatorin shije dhe cilësi në të gjitha netët e festës. Festimet do të kulmojnë në natën e pestë që mbahet të dielën.
FESTIMET
Festa e “Birrës Korça” nisi rrugëtimin në vitin 2007 me një objektiv të mirë përcaktuar: krijimin e një tradite që do t’i mbijetonte kohës, që do ta kthente Korçën në një lokomotivë zhvillimi që pasohej me të gjitha qytetet dhe fshatrat në rajonin Juglindor të vendit. Festa e Birrës është kthyer në destinacionin më të kërkuar dhe shumëpritur çdo fund gushti, duke mirëpritur me mijëra vizitorë gjatë të pesta ditëve të organizimit. Tetëmbëdhjetë vite “Festa e Birrës në Korçë”, tashmë është etaloni natës i gjithçka e që organizohet në këtë qytet. Festa e Birrës 2024 për të katërtin vit radhazi organizohet tek Terminali i Autobusëve me një infrastrukturë të kuruar në detaje për të tilla organizime. Korça njihet gjerësisht si qyteti i kulturës, arsimit, serenatave, karnavaleve, etj. Ky qytet mirëpret të gjithë ata që e duan natyrën e bukur, artin, argëtimin pafund dhe traditën. “Korça qyteti i festave” një program që përmban një sërë projektesh kulturore, artistike dhe turistike e ndërthurur edhe me bukurinë natyrore dhe muzeumet e shumta në qytet, e ka shndërruar Korçën në qendrën më të rëndësishme dhe më të frekuentuar turistike në Shqipëri. Festa e Birrës, një sukses i garantuar ka sjellë më shumë se 100,000 vizitorë gjatë pesë ditëve të festës, duke e kthyer atë në festën më të madhe në Shqipëri.