Përfitoi 22.4 ha tokë në Vuno? Paralajmërimi i Ramës se do bëjë padi për shpifje
“Të paudhë dhe skllevër të ballkonit ‘ non grata’”, kryeministri: Lëtyrë të nxjerrë nga kanalet e ujërave të zeza
Kryeministri Edi Rama i konsideroi dje të neveritshme, akuzat e Partisë Demokratike se familjarët e tij kanë përfituar padrejtësisht toka në Vuno. Rama shprehet se akuzat janë një përpjekje për të goditur atë.
“Është një përpjekje që e përshëndes me kënaqësi, sepse aq sa ç’është e neveritshme si gjithnjë kur hidhet baltë mbi familjen time për të luftuar në fakt me mua, aq është këtë herë edhe e mirëseardhur për të bërë dallimin si nata me ditën mes agresorëve të familjes sime dhe meje si kundërshtar i papërkulshëm i tyre!”, - deklaroi Edi Rama. Kryeministri paralajmëron një tjetër padi në gjykatë për akuzat. “Të gjitha faktet që e ekspozojnë këtë përpjekje, si një lëtyrë të nxjerrë nga kanalet e ujërave të zeza mediatike në Tiranë e në Athinë, e tashmë të propaganduar nga skllevërit e ballkonit ‘ non grata’ do të jenë pjesë e padisë së radhës në gjyq për këta të paudhë që në fakt, po i paguajnë me një vetëdiskreditim e vetëturpërim shembullor në sytë e shqiptarëve paudhësitë e panumërta, që i kanë bërë këtij vendi e këtij populli kur kishin edhe gurin edhe arrën, në duart e tyre të mbrapshta e të pista”, - tha Edi Rama. Kreu i qeverisë nënvizon se familjarët e tij nuk i kanë përfituar ende tokat e trashëguara nga stërgjyshi. “Sot e gjithë ditën, duzina e trashëgimtarëve të pronave të stërgjyshit tonë në Vuno të Himarës, njësoj si plot trashëgimtarë të tjerë të kësaj zone ku sapo isha së bashku me kryebashkiakun tonë të së dielës së ardhshme, Vangjel Tavon, nuk i ka marrë ende certifikatat e pronësisë. Sepse unë, ndryshe nga kundërshtarët e mi pa din e pa iman, nuk jam i asaj kategorie përfaqësuesish të popullit, që tjetër thonë për
“Të gjitha faktet që e ekspozojnë këtë përpjekje, si një lëtyrë të nxjerrë nga kanalet e ujërave të zeza mediatike në Tiranë e në Athinë, e tashmë të propaganduar nga skllevërit e ballkonit ‘ non grata’ do të jenë pjesë e padisë së radhës në gjyq për këta të paudhë që në fakt, po i paguajnë me një vetëdiskreditim e vetëturpërim shembullor në sytë e shqiptarëve paudhësitë e panumërta, që i kanë bërë këtij vendi e këtij populli kur kishin edhe gurin edhe arrën, në duart e tyre të mbrapshta e të pista”.
njerëzit e tjetër bëj për vete”, - u shpreh kreu i qeverisë. Z. Rama shprehet i bindur se qytetarët do të binden dhe do të shohin dallimin mes tij dhe atyre që e akuzojnë.
SHIFRAT
Kryeministri Edi Rama doli dje me një videomesazh nga Dhërmiu ku edhe po kalon pushimet verore, për të publikuar shifrat e hyrjeve në Shqipëri dhe për t’iu përgjigjur të gjithë kritikëve që thonë se nuk në vendin tonë nuk ka turistë. Kreu i qeverisë shprehet se nga aeroporti i Rinasit kanë hyrë pothuajse 1 milion e 200 mijë pasagjerë, mbi 350 mijë më shumë se vjet. Madje, sipas tij, këtë korrik është thyer edhe një rekord tjetër, ai i hyrjeve në një ditë të vetme, 44 mijë pasagjerë. Sa u takon aludimeve se vendin e kanë braktisur edhe shqiptarët e Kosovës,
Rama përsëri nxori shifrat, duke thënë se kjo është një teori dashakeqëse. “Mbrëmë mora të dhënat e hyrjeve në Shqipëri nga aeroporti ‘ Nënë Tereza’ dhe nga hyrjet në Morinë. Nga aeroporti kanë hyrë pothuajse 1 milion e 200 mijë pasagjerë, mbi 350 mijë më shumë se vjet. Madje, këtë korrik është thyer edhe një rekord tjetër, ai i hyrjeve në një ditë të vetme, 44 mijë. Aeroporti ka arritur të operojë deri në 252 fluturime në ciklin e 24 orëve, një volum marramendëse dhe i paimagjinueshëm deri para ca vitesh. Për shifrat e aeroportit nuk mund të thonë dot gjë as ato gojët me qime që nuk pushojnë u zbraz Shqipëria edhe nga shqiptarët edhe nga turistët”, - deklaroi Edi Rama. Sipas tij, aeroporti i Tiranës po mbush vitin në krye të klasifikimit evropian për rritjen relative me vitet paraardhëse. “Tirana e ka spastruar në vendin e dytë aeroportin e Beogradit, i cili ka qenë i pari në rajon. Edhe shifrat e hyrjeve në Morinë, që i tregon regjistri elektronik i pagesës së autostradës ku mund të lexohet çdo hyrje, tregojnë se gjatë këtij viti kanë hyrë 175 mijë makina më shumë se vjet, ndërsa në korrik, 3 mijë më shumë se vjet. Pra, edhe ajo teoria keqdashëse e përhapur në këtë sezon se shqiptarët e Kosovës e kanë braktisur Shqipërinë është një zero më xhufka”, - tha Rama. Kryeministri i konsideroi të gjithë kritikët që mendojnë se në Shqipëri nuk ka turistë si një sy i keq. “Tamam si ato hudhrat që e mbrojnë vendin nga syri i keq”, - u shpreh Rama, i cili theksoi se po mbajnë shënime nga ky sezon, për të nxjerrë mësime.