Skandali tek Onkologjiku, përplasje në komision mes ministres e deputetëve
Koçiu: “Ata mjekë ishin një dru i shtrembër, prokuroria do hetojë” Vokshi: “Fjalim patetike, spitalet s’kanë barna as aparatura funksionale”
Ministrja e Shëndetësisë, Albana Koçiu, ka raportuar një ditë më parë në Komisionin për Shëndetësinë lidhur me situatën e ndodhur në Spitalin Onkologjik në QSUNT, si dhe me gjetjet e Raportit të KLSH- së të vitit 2022 për sëmundjet tumorale. Duke e relativizuar situatën, sipas Koçiut, mjekët e kapur në flagrancë për pazaret që bënin me pacientët e sëmurë me kancer nuk kanë lidhje me bluzat e bardha në QSUT, por janë veçse një dru i shtrembër. Krejt ndryshe mendojnë deputetët e PD- së, të cilët thonë se këto skandale të njëpasnjëshme janë maja e ajsbergut të problematikave që mbart QSUT- ja dhe spitalet e tjera në kryeqytet e rrethe. “Fjalimi ishte nuk di pse ankoheni nuk paska asnjë problem tek QSUT, tek Onkologjiku, fjalime patetike. Ajo theksoi se në spital nuk ka ilaçe dhe nuk funksionojnë aparaturat, ndërsa theksoi se Onkologjiku është vetëm maja e ajsbergut. “Mendova se sot do të vinit me një ndjesë zonja ministre, më modeste, por të thoni që kemi reaguar dhe kemi marrë masa në mënyrë të menjëhershme, kur sot nuk ka barna nuk ka kura e ilaçe, nuk funksionojnë aparaturat, paraqiteni para Komisionit dhe në vend që të rreshtoni problematikat, thoni hajde na ndihmoni. Onkologjiku është vetëm maja e ajsbergut”, - tha deputetja demokrate në fjalën e saj duke ironizuar ministren Koçiu. MINISTRJA
“Sistemi shëndetësor publik patjetër që ofron dinjitet për të gjithë pacientët. Ka nevojë për përmirësim? Patjetër që po! Bluzat e bardha nuk kanë lidhje me këtë fenomen të shëmtuar. Siç kemi drurë të shtrembër kudo, patjetër do na dalin dhe rrugës, secili nga ne duhet të reagojë. Nuk mendoj se largimi i tyre do të bëjë çudira, por patjetër do të tregojë që duhet të forcohen mekanizmat për të treguar respekt të pacientëve. Ata mjekë që
ndodhi ajo që ndodhi do të jenë përgjithësim i sistemit, jo, ishin një dru i shtrembër në sistem, prokuroria do të bëjë hetimet”. Ministrja Koçiu u shpreh më tej se, “është pretendim i pavërtetë dhe dashakeqës se aparaturat e pajisura me substancë radioaktive si kobalti janë lënë korridoreve të spitalit, duke dëmtuar shëndetin e qytetarëve dhe mjekëve nga rrezatimet. Aparatura ka qenë gjithmonë brenda kapsulës së saj
mbrojtëse, duke bërë të pamundur përhapjen e rrezatimit”. Ajo theksoi se instancat përkatëse të Institutit të Fizikës Bërthamore janë të ngarkuara për matjen periodike dhe asnjëherë nuk kanë lexuar rrezatime jashtë normave të lejuara. Koçiu theksoi se, “vetëm në tri vitet e fundit, buxheti për sigurimin e barnave për trajtimin e tumoreve është rritur me 4fish”. “Buxheti për Qendrën Spitalore Universitare ‘ Nënë Tereza’ për vitin 2024 është rri
tur me 42.3% krahasuar me vitin 2013. Në vitin 2013, QSUT përballej me mungesë barnash dhe materialesh mjekësore bazë, jo më të flitej për mbulimin e sëmundjeve tumorale. Sot, buxheti i alokuar për barna dhe materiale mjekësore për QSUT në vitin 2024 është rritur me 28% krahasuar me vitin 2013", - deklaroi ministrja e Shëndetësisë. Ajo vuri në dukje se çdo vit është shtuar lista e barnave nëpër spitale dhe ajo e rrjetit të hapur, duke mbulu
ar sëmundje të përhapura si diabeti, sëmundjet onkologjike, ato kardiovaskulare etj.. “Tashmë është e mbuluar dhe linja e parë e terapisë për të gjitha llojet e kancerave dhe shumica e linjave të dyta e të treta si psh., për kancerin e gjirit, atë të ovarit, kolorektal etj. me preparate bashkëkohore. Kjo është mundësuar dhe me anë të politikave për barna inovatore, të aplikuara me sukses prej disa vitesh. Në vitin 2013 shpenzimet e rimbursimit për barnat tumorale zinin 8.1% të buxhetit të rimbursimit, ndërsa në vitin 2023 kjo përqindje arriti në 20.7%”, - vijoi ministrja. “Gjithashtu - tha Koçiu - shpenzimet për trajtimin e sëmundjeve tumorale në QSUT zinin 20.57% të buxhetit total në vitin 2014, ndërsa në vitin 2023 zinin 36.97%. Në vitet e fundit, Lista e Barnave me Rimbursim është pasuruar me 74 barna të reja, duke përfshirë 13 barna onkologjike. Për diagnozën e kancerit të gjirit, shpenzimet e rimbursimit kanë ardhur në rritje nga viti në vit, nga 4.4% shpenzimeve totale të rimbursimit në 5.7%”. Sa i përket përmirësimit të kujdesit paliativ, Koçiu bëri me dije se janë përfshirë 92 barna me rimbursim. Ministrja e Shëndetësisë nënvizoi se kimioterapitë, që më përpara kryheshin në kushte primitive vetëm në
Onkologjikun e Tiranës, tashmë kryhen në shumë nga spitalet rajonale, duke reduktuar drastikisht kostot për qytetarët. “Rinovimi i radioterapisë, instalimi i akseleratorëve linearë, blerja e pajisjeve që shpëtojnë jetë, shkurtimi i radhëve, plotësimi i nevojave të stafit, modernizimi i kushteve dhe aparaturave ka ndikuar në reduktimin e vdekshmërisë nga sëmundjet tumorale. Akseleratorët e rinj kanë shkurtuar listën e pritjes për marrjen e trajtimit me radioterapi nga 3 muaj në kohën tuaj, në dy- tri javë”, - vijoi ajo. Gjithashtu, Koçiu theksoi se Reparti ditor në Onkologjik dhe investimet në Depon Qendrore të Barnave ka ofruar një standard të ri për qytetarët që kryejnë seancat e kimioterapisë. Gjatë fjalës së saj, ministrja Koçiu solli në vëmendje edhe një sërë programesh parandaluese për depistimin apo identifikimin e hershëm, të tumoreve të gjirit, qafës së mitrës që kanë rritur numrin e tumoreve të diagnostikuara në stade të hershme e rrjedhimisht, edhe numrin e tumoreve të kuruar plotësisht. Ndërsa sa u përket rekomandimeve të KLSH- së, ministrja tha se shumë prej këtyre rekomandimeve janë adresuar, ndërkohë dhe të tjera janë në proces trajtimi.