Dyfishim rrogash, Mazniku: Rritja e pagave brenda verës për punonjësit vendorë
Ministri i Shtetit për Pushtetin Vendor: Bashkitë të ristrukturojnë stafet, ndarja në tri shtylla kryesore
Brenda verës do të rriten pagat për punonjësit vendorë, çka do të sjellë zbutjen e mungesës së stafeve në bashki kjo pasi punonjësit e të njëjtit profesion, do të paguhen njësoj në të gjitha bashkitë ku punojnë.
Kështu ka deklaruar ministri i Shtetit për Pushtetin Vendor, Arbjan Mazniku, gjatë takimit me 61 kryetarët e bashkive të Shqipërisë për të diskutuar me ta nivelet e reja të pagave dhe formën se si duhet të ristrukturohet stafi i bashkisë. Pagat e reja do të rriten ndjeshëm për punonjësit vendorë, gjë që do të zbusë edhe mungesën e stafeve në njësitë vendore, pasi punonjësit e të njëjtit profesion do të kenë të njëjtën pagë në të gjitha bashkitë. “Sugjerimi ynë është që të mos ketë më diferenca të pagës nga bashkia në bashki. Bashkitë të kenë të gjithë një nivel page. E vetmja diferencë është që disa bashki të mos kenë disa klasa pagash. Ne besojmë që me këto nivele jemi konkurrues edhe me tregun privat”, - tha Mazniku. Në bashkitë e vogla apo më larg Tiranës ka rezultuar se nuk ka njerëz të specializuar në fusha të caktuara për shkak të pagës së ulët dhe tendencës për të punuar në Tiranë apo sistemin privat. Ky ristrukturim parashikon edhe reduktim të punonjësve në sektorë të ndryshëm në varësi të bashkive. “Për shembull në Sarandë duhen më shumë punonjës në urbanistikë, ndërsa në Berat duhen më shumë punonjës në zyrën e kulturës”, tha ministri i Shtetit për Pushtetin Vendor. Tanimë një inxhinier , financier jurist etj., në bashki do të ketë të njëjtën pagë si në Tiranë dhe në Has e kudo.
Pas një analize të thelluar në të gjitha bashkitë është gati struktura e re, që do të shoqërojnë këto ndryshime dhe rritje pagash. Sipas Maznikut, ndarja do të bëhet në tri shtylla kryesore. “Aparati është ajo pjesë e strukturës suaj e cila duhet të merret në mënyrë ekskluzive vetëm me politik bërje, planifikimin, monitorimin dhe elementët rregullatorë. Agjencia e Funksioneve. Në këtë strukturë rritjen e pagave për vitin 2024, fleksibilitetin e orarit në punë, vlerësimin e performancës së punonjësve si dhe një seri masash mbështetëse për mbarëvajtjen e punës në Administratë dhe trajtimin e punonjësve. Brenda këtij viti do t’iu mundësohet punonjësve të alternojnë dhe përzgjedhin nisjen e orarit ditor të punës, sipas agjendës që dikton dhe jeta familjare, dhe shoqërimi i fëmijëve në çerdhe, kopshte dhe shkolla. Kjo reformë i ka dhënë tashmë frytet e para, evidentuar kjo me rritjen 23 % rritje të numrit mesatar të aplikantëve për rekrutime jashtë shërbimit civil për pozicione të nivelit të mesëm dhe të ulët drejtues, pikërisht për shkak të rritjes më të ndjeshme të pagës së kësaj fashe dhe uljes në masën 15% të dorëheqjeve.
VLERËSIMI I PERFORMANCËS
Përpos rritjes së pagave do të zhvillohet gjithashtu një vlerësim performance institucionale dhe personale. Një projekt pilot po zbatohet në tre ministri. Kush punon mirë do të shpërblehet. Puna e institucionit do të matet mbi bazën e treguesve të qartë të performancës, përfshirë këtu dhe aspekte të zhvillimit të kapitalit të tyre njerëzor. Sikurse do të parashikohet në ligj mundësia e dhënies së bonuseve për performancë të mirë në punë, brenda kufizimeve të diktuara nga nevoja e ruajtjes së një qasjeje sa më objektive. Mekanizmat e fleksibilitetit dhe çdo masë tjetër, do të marrin vlerë të dyfishtë nëse aparatet drejtuese e përqafojnë këtë risi dhe e bëjnë pjesë të përditshmërisë së saj.