Këlliçi nga protesta: Firmosa kallëzimin e ri në SPAK ndaj Erion Veliajt
Anëtari i Kryesisë së PD së “Rithemelimit”, Belind Këlliçi deklaroi nga protesta e Aleancës për Mbrojtjen e Teatrit, e mbështetur edhe nga opozita, se ka nënshkruar kallëzimin e ri në SPAK ndaj Erion Veliajt. “Jemi kundër një hajduti që njihet si kreu i bandës ‘ 5D’ dhe pronari faktik i inceneratorit. Do mbahet mend si i vetmi kryebashkiak që vuri policinë për të mbrojtur veten. Bandit ordiner që shpërdoroi taksat e qytetarëve. Ai ka turpëruar kombin tonë. Ky hajdut që e nisi karrierën e tij politike me një mashtrim sikur u martua me kursimet e pensionit të nënës së tij. I takon SPAK të ngrihen në lartësinë e detyrës e t’i përgjigjen një drejtësie pa regji”, - tha ai. Këlliçi shtoi se nuk i intereson nëse kryeministri Edi Rama e pushkatoi politikisht kryebashkiakun e Tiranës, por i interesojnë milionat e vjedhura. “Nuk na intereson nëse e pushkatoi sot politikisht Rama, më interesojnë qindra mln euro të vjedhura nga Veliaj. Sot firmosa kallëzimin e ri në SPAK ndaj Erion Veliajt. Janë arrestuar qytetarë se po rregullonin gardhin apo shtëpinë. I bëj thirrje SPAK- ut se sot keni damkën e madhe në kurriz, mbi shpatulla të burgosjes, pa asnjë fakt, pa asnjë provë të arrestit të liderit të opozitës. Ndërkohë drejtuesi i kësaj strukture, në materialin që ka depozituar në Kuvend, ka përmendur 11 herë emrin e kryebashkiakut Veliajt, por Drita Premçi e amnistoi. Drita Premçi ke dy rrugë: ose do të bjerë Erion Veliaj, ose Altin Dumani”, - përfundoi fjalën e tij anëtari i Kryesisë së PDsë së “Rithemelimit”.