Paralajmërimi, SHBA: Do të shpallin të tjerë të korruptuar “non grata”
“Do të përdorim të gjitha mjetet, edhe sanksionet e vizave”, Robinson: Aktet korruptive kanë një çmim që duhet paguar
Ndihmëssekretari amerikan, Tod Robinson, paralajmëroi dje se SHBA- të do të shpallin të tjerë zyrtarë të korruptuar “non grata”.
Ai shprehet se Shtetet e Bashkuara të Amerikës do të përdorin të gjitha mjetet si shpallja ‘ non grata’ dhe sanksionet e vizave për t’u siguruar që zyrtarë të rëndësishëm, zyrtarë të nivelit të lartë, zyrtarë të lartë të qeverisë ta kuptojnë që për akte korruptive ka një çmim që duhet paguar. Ai vuri në dukje se Shtetet e Bashkuara të Amerikës do të përdorin të gjitha mjetet si shpallja ‘ non grata’ dhe sanksionet e vizave për t’u siguruar që zyrtarë të rëndësishëm, zyrtarë të nivelit të lartë, zyrtarë të lartë të qeverisë, ta kuptojnë që për akte korruptive ka një çmim që duhet paguar. “Do të përdorim çdo mjet që kemi në dispozicion për t’iu vënë pas aktorëve të korruptuar dhe për të ndihmuar institucionet shqiptare që t’u vihen pas aktorëve të korruptuar. Kemi një numër mjetesh dhe shpalljet ‘ non grata’ dhe sanksionet e vizave janë mes tyre, dhe ne do të vazhdojmë t’i përdorim ato, sepse j anë mënyra të efektshme për t’u siguruar që ata zyrtarë të rëndësishëm, zyrtarë të nivelit të lartë, zyrtarë të lartë të qeverisë ta kuptojnë që për akte korruptive ka një çmim që duhet paguar dhe të gjitha mjetet që ne kemi në dispozicion do të vihen në punë kundër atyre aktorëve të korruptuar”, - tha zyrtari i lartë amerikan në një intervistë për “Top Channel”. Robinson bën me dije se Shtetet e Bashkuara të Amerikës nëpërmjet DEA- s dhe FBI- së po ndihmojnë SPAK në kapjen e të korruptuarve. “Mesazhi i fundit është se qëllimi ynë është të vazhdojmë të ndihmojmë. Kemi një ekip të shkëlqyer këtu. DEA është këtu. Departamenti i Drejtësisë është këtu. FBI është këtu. Po bëjmë punë të madhe me sistemin e burgjeve. Dhe synojmë ta vazhdojmë atë punë, sepse është e rëndësishme për marrëdhënien Shtetet e Bashkuara– Shqipëri. Por më shumë sepse është rëndësishme që shqiptarët e zakonshëm ta shohin të bëhet kjo punë dhe të shohin që po mbështetet nga komuniteti ndërkombëtar”, - tha Robinson. Zyrtari i lartë amerikan apeloi në kapjen e të korruptuarve. “Iu thashë se burimet janë të kufizuara kudo në botë, por një nga vendet ku nuk e kemi problem të shpenzojmë burimet tona është këtu në Shqipëri, për shkak të punës së shkëlqyer që këto institucione po bëjnë dhe mesazhi i fundit është se qëllimi ynë është të vazhdojmë të ndihmojmë. Kemi një ekip të shkëlqyer këtu. DEA është këtu. Departamenti i Drejtësisë është këtu. FBI është këtu. Po bëjmë punë të madhe me sistemin e burgjeve dhe synojmë ta vazhdojmë atë punë, sepse është e rëndësishme për marrëdhënien Shtetet e Bashkuara– Shqipëri”, - deklaroi Ndihmëssekretari amerikan, Tod Robinson.